O  martes 12 remata o prazo de inscripción as novas xornadas de voluntariado ambiental que organiza o Colectivo As Píllaras das Dunas en Ponteceso. Aínda quedan prazas para participar nestas xornadas que terán como obxectivo principal a erradicación, a man, da unlla de gato (“Carpobrotus edulis”), unha especie invasora tremendamente agresiva que non para de medrar na nosa bisbarra. Pero son moitas máis as actividades que farán durante  a semana entre o 18 e o 25 de setembro. Por exemplo: - Visita dos amigos de Senda Nova, que nos falaran do seu traballo coa pillara en Baldaio - Unha batnight, onde estudarán e modestrarán morcegos - Xornada do Proxecto Ríos no Refuxio de Verdes - Roteiro arqueolóxico por Cabana de Bergantiños -Percorrido interpretativo polo Camiño dos Faros - Actividades deportivas na praia Dentro de uns dias abrirán o prazo para todos aqueles que queiran participar nunha única xornada, sen límite de idade. Poden inscribirse nos 659 596 145 / 662 275 929 ou en aspillarasdasdunas@hotmail.com.

Novas relacionadas

• Xullo 2017: 17 voluntarios de ADEGA eliminaron as chumbeiras e outras invasoras da praia e da Lagoa de Louro.
• Setembro 2016: Os Voluntarios do Monte Branco retiran 7 toneladas da invasora unlla de gato de Valarés.

Fonte

• Redacción de QPC (info@quepasanacosta.com).