Que os cativos xa controlan cos aparellos do demo deste nvo mundo virtual non é ningunha novidade. E a tradición ten que poñerse ao día se non quere que as novas xeracións a vexan como algo do pasado. Neso traballa un corcubionés amante da tradición e do baile galego, e que traballa no mundo das novas tecnoloxías.

Alejandro Lamas, e a súa empresa Sixtema, xunto con Hacce, veñen de crear a marca TaptilTaptil, de aplicacións móbiles. E a primeira é esta incrible Pandeireta Pro, un xeito de tocar a pandeireta dende o iphone ou ipad.

Uns dos primeiros en probala foron os cativos da Fundación Eduardo Pondal, que tivo a ben invitar a Jan a facer a presentación á lareira da entidade. Unha experiencia fantástica para el, e para os cativos que participaron como o que máis e tocaron coma ninguén a pandeireta 2.0. A ver cando se lanzan dende a FEP a artellar unha foliada 2.0!!

Máis información

• Web de Taptil.
• Sección de Pandeireta PRO.
• Pandeireta PRO na App Store.
• Twitter de Taptil.
• Facebook de Taptil.

Novas relacionadas

• Foliadas 2.0 con PandeiretaPro..

Fonte

• Nota de prensa de Taptil.