Martes. 19.03.2024
El tiempo

Falece unha muller tras sufrir un accidente na súa maquinaria agrícola en Santa Comba

Tres feridos en dous accidentes acontecidos en Carnota
Accidente en O Viso
Accidente acontecido en O Viso esta mañá de luns
Falece unha muller tras sufrir un accidente na súa maquinaria agrícola en Santa Comba

Este pasado domingo, pasadas ás 13:00h, unha muller perdía a vida tras sufrir un accidente cunha máquina agrícola no lugar dos Picotos, na parroquia de Santa Sabiña, no concello coruñés de Santa Comba. A vítima sofreu un contratempo cun vehículo mesturador, quedando atrapada.

Á chegada dos Bombeiros de Santa Comba, un equipo de Urxencias Sanitarias de Galicia-061 confirmara o seu falecemento, polo que tras agardar á chegada de Protección Civil, Garda Civil e o médico forense, procederon á extracción do corpo. A Garda Civil investiga os feitos.

Accidente na mañá do luns en Carnota

Esta mañá de luns, arredor das 7:30h, rexistrábase tamén unha saída de vía na estrada que vai de O Viso a Paxareiras, provocando unha persoa ferida leve. Acodiron a Garda Civil de Tráfico, GES Muros e Policía Local.

Dous feridos nun accidente en Carnota

A pasada noite do sábado ao domingo deixou dúas feridas ao sufrir unha saída de vía en Sofán, Lira, Carnota. Pasaba das 0:30h cando o 112 recibía a chamada dun dos ocupantes do coche, informando de que deran varias voltas de campá, provocando que un deles quedara atrapado. Os Bombeiros de Vilagarcía, dos Bombeiros de Cee e dos membros do GES de Muros acodiron se ben as vítimas puideron saír polos seus propios medios, sendo trasladadas ao Hospital Virxen da Xunqueira polo equipo sanitario de urxencia.

Accidentes con tractor en 2021

Comentarios