Recibiron as Agrupacións de Voluntarios de Protección Civil (AVPC) de Muros e Santa Comba (ademais das de Negreira e a Pobra do Caramiñal) esta mañá de mércores, novos desfibriladores externos semiautomáticos destinados a reforzar o material dos servizos de emerxencias municipais.

O equipamento entregado inclúe un desfibrilador externo cun mínimo de dous xogos de parches de electrodos, un xogo de dúas baterías, cable de conexión a porto USB, kit de reanimación cardio-pulmonar e mochila impermeable.