O museo de artesanía en vivo do Castelo de Vimianzo

José María Suárez Santiago fai maquetas de barcos no Castelo de Vimianzo

11:45 08/07/11

Unha vez recuperado o poder do Castelo por parte do pobo irmandiño, serán as mans do artesáns as responsables de mantelo vivo. E un ano máis, o Castelo de Vimianzo albergará o Museo de artesanía en vivo. Xa van 18 anos dende que abrira as súas portas e aí continúan moitos dos que empezaron. E trátase dunha visita obrigatoria para os turistas que chegan á bisbarra, porque é o mellor xeito de coñecer a cultura artesá de primeira man e en directo. Ademais, unhas das partes máis interesantes da visita é a posibilidade de coñecer a vida dos artesáns. Sempre dispostos a falar un ratiño, os artesáns mostran a cara máis persoal destes oficios.

Artesáns

As artesanías presentes nesta edición da Mostra son: encaixe, artesanía do liño, cestería, sombrerería, olería de Buño, platería, maquetería de barcos, cantería, zoquería e artesanía en pel. Os artesáns que estarán presentes na mostra son os seguintes:

José Rodríguez Mouzo	Canteiro	Vimianzo
Asociación Amigos do Liño da provincia da Coruña	Liño	Carreira-Zas
Asociación de Palilleiras "Nosa Señora da Barca de Muxía"	Encaixe	Muxía
Asociación de Palilleiras "As Nemanquiñas"	Encaixe	Vimianzo
Asociación de Palilleiras de Camariñas (Rendas)	Encaixe	Camariñas
Fernando Cambón Cambre	Olería	Buño
José María Suárez Santiago	Maquetería de barcos
María da Cruz Isabel Torre Quintáns	Sombrerería	Mazaricos
Esther Ferreiro Romar	Platería	Santiago
Manuel Pérez Martínez	Zoquería	Vimianzo
ASPADEX	Artesanía da pel	Cee
Asociación Neira Marcos de Salto	Cestería	Buño

Esther Ferreiro, prateira de Santa Comba
Jesús, cesteiro de Buño

Horario da Mostra de Artesanía en Vivo

De outubro a maio (excepto Semana Santa): 10:30h a 14:00h e de 16:00h a 18:30h (só as fins de semana).
Semana Santa e meses de xullo, agosto e setembro: 10:30h a 14:00h e de 16:00h a 20:30h (agás os luns).