Domingo. 14.07.2024
El tiempo

Guía para que fagas a Revolta Irmandiña do Asalto o Castelo

PInchos Irmandinos de Vimianzo de 13 establecimentos
Guía para que fagas a Revolta Irmandiña do Asalto o Castelo

É imposible gozar do asalto ao completo, pero aquí traémosche unha pequena guía para que o poidas aproveitar se vas un ou os dous días. Porque polo de pronto xa perdeches parte da festa, a que se vive ao longo da semana e que ten, aos Pinchos Irmandiños como grandes protagonistas. Un gusto ver os locais de hostalería cheos á tardiña do mércores ou xoves, con mareas de veciños de Vimianzo, e de toda a comarca, achegándose a probar os tesouros gastronómicos medievais de ata 13 locais da vila.
Peneira do Liño, O Leito da Condesa, o Festín dos Moscosos, A Revolta Irmandiña, os Melviños… Podes atopamos todos debullados aquí.

Pinchos Irmandinos petaos a golpe de venres
Así estaban o mércores os bares-Foto-Laura Louzán

En asaltoaocastelo.gal tamén podes, ademais do programa completo, as actividades máis destacadas.

Este xoves, unhas das tradicións que van collendo forma foi o II Aquelarre de Ánimas de Palleiro para o Chamamento á Loita, unha representación teatral artellada por Míchel Antelo cunha recua de 50 persoas, que fixeron un pasabares nocturno rematando na Foliada das Meighas, e que dá pé histórica e teatralmente ao gran distintivo desta festa: a Representación da Revolta Irmandiña que se viviu na comarca de Soneira no século XV. O equipo formado por xentes da casa, dirixido por Ghillermo Méndez, xa ten todo listo, fachos incluídos, para asaltar o castelo dos nobles na medianoite do sábado.

Sen dúbida, unha das actividades máis esperadas é a Cea Medieval do venres, pero esquécete dela, porque as entradas voaron en apenas unhas horas xa hai meses. O que si te podes unir a partir das 23:30 para a queimada do gran Miguel Queiro e os concertazos de Mondra e Monolious Doup.

Antes, na tardiña do sábado, o Asaltiño, a loita de auga no foxo do castelo que tanto lle presta á rapazada. Tamén pola tarde do sábado, ademais de comprar algo na Feira Artesanal, poderemos asistir ás 17:30h á historia dramatizada no patio do Castelo.

A revolta fraguarase ás 19:00 na Irmandade Parroquial, unha xuntanza de tribus na praza do Concello que remata co Pregón, da man do Festival de Moeche, e o desconcerto de Flow de Toxo, ademais da música itinerante pola vila.

O Festival

CARTEL_ASALTO AO CASTELO_Vimianzo_2024
CARTEL_ASALTO AO CASTELO_Vimianzo_2024

 

O esperado concerto de Manu Chao, para o que xa están todas as entradas vendidas, abre as portas ás 21:00h. Ás 23:00h abriranse as portas do espazo para que a xente poida asistir á representación teatral do Asalto, que arrinca ás 23:30h. E xa saben, cos fachos e o ariete, todo o mundo en procesión ata o Castelo, onde a revolta irmantiña arrasará co Castelo, e completará coa segunda parte da representación no foxo. Unha cita sempre inesquecible.

Ao remate, volta ao campo da festa a bailar cos Boikot (1:00h), Süne (2:30h) e os incribles Festicultores (4:00h), que non te deixarán marchar ata o mencer.

Máis novas

Comentarios