A semana pasada o Goberno Municipal do Concello de Vimianzo denuncia a falta de apertura do Centro de Día, como prometera no 2007 a Xunta. Hoxe é a líder do PP, Carmen Borbujo, quen solicita "cordura e sentido común" no asunto. Borbujo considera que o tenente de alcalde de Vimianzo, "perde a noción de responsabilidade municipal a pouco máis de dous meses das eleccións municipais". De igual xeito califica de "un despropósito a intención do tenente de alcalde, Antonio Miñones de solicitar á Xunta a reversión dos terreos nos que se sitúa a Residencia da terceira idade". Ademais pregúntase "Que faría se a Xunta devolve as terras ao Concello, destruiría a residencia de maiores ou se faría cargo da súa xestión?" Tan palabras persoais tamén para o propio Miñones do que destaca "as gañas do trono da alcaldía do PSOE". E continúa "Antonio Miñones, en menos dun mes o único que pretende facer é gastar diñeiro, primeiro quere recibir o polígono industrial, descoñecendo os gastos que isto supón, e posteriormente ansía facerse cargo duns terreos que sen dúbida, o Concello non pode asumir" explica a líder do popular. Borbujo recorda que a Residencia de maiores, aínda que abriu as súas portas, aínda debe alcanzar o pleno rendemento.

Novas relacionadas

• O Concello de Vimianzo denuncia á Xunta por non abrir o Centro de Día no Xeriátrico.
• Os empresarios piden información sobre a situación legal do parque empresarial de Vimianzo.
• O Concello de Vimianzo podería recibir o parque empresarial a pesar da negativa da oposición.
• O Xeriátrico abrirá finalmente na primeira quincena de novembro.

Fonte

• Nota de prensa do PP de Vimianzo.