O Concello de Vimianzo, tras varios anos de disfrute, xa se decatou das posibilidades que ofrecen os Telecentros. Espazos de formación onde as novas tecnoloxías son os mestres, e que serven para seguir reducindo a fenda dixital que sofre a nosa bisbarra. O interese é tal, que xa solicitaron a construción dun novo Telecentro que será desenvolto a través dos fondos do GDR no lugar de A Devesa, en Carnés. Pero ademais o que está no centro da vila conta con un equipo informático adaptado para persoas con discapacidade. Con este novo equipo, o Telecentro de Vimianzo xa forma parte do programa "TIC-TAC Galicia". A iniciativa persegue reforzar con novo equipamento os centros públicos para mellorar a accesibilidade á Sociedade da Información das persoas con discapacidade, as actividades formativas e o uso da administración electrónica. A actuación consiste na dotación de equipos e dispositivos tecnolóxicos que permitan o acceso das persoas con discapacidade á Sociedade da Información. Actualmente, o Telecentro de Vimianzo conta seguinte o equipamento informático:

• Teclado con teclas grandes e covertor.
• Rato tipo Joystick.
• Rato bola grande.
• Rato bola pequena.
• Rato para mentón.
• Pantalla táctil.
• Conmutador tipo botón.
• Sistema de soporte tipo brazo.
• Kit de mellora.
• Praca Feder.
• Software Tic-Tac.

Este tipo de accións permite que as persoas que sofren discapacidades físicas e sensoriais vexan diminuídas ou eliminadas as barreiras que impiden a súa interactuación coas TIC.

Novas relacionadas

• Vimianzo contará co seu segundo Telecentro gracias ao GDR.
• Vimianzo abre novos cursos de Informática para reducir a fenda dixital.
• Galinus amosa en Vimianzo as vantaxes das ferramentas 2.0.
• A Costa da Morte á cola da implantación da internet en Galicia .

Fonte

• Nota de prensa do Concello de Vimianzo.