Interesante o novo curso da Aula Cemit do Concello de Vimianzo que vai levar o uso das TICS a novos públicos e cunha metodoloxía innovadora e motivadora. Desta vez apóiase na afición á cociña para empregar o móbil na creación e edición de contidos audiovisuais que se poidan compartir en redes sociais, principalmente Facebook e Youtube. A innovación tamén está no uso de novos espazos e na colaboración de colectivos veciñais e empregando instalacións dotadas de cociña e ferramentas para elaborar preparacións. A iniciativa parte con tres edicións:

• 1) Carnés. O obradoiro desenvolverase os luns entre as 17:00 e as 19:30, enpezando o 6 de novembro.
• 2) Berdoias. O obradoiro desenvolverase os mércores entre as 10:30 e as 13:00, empezando o 8 de novembro.
• 3) Salto. O obradoiro desenvolverase os mércores entre as 15:30 e as 18:00, empezando o 15 de novembro.

Requisitos para a participación:

• - Dispor de teléfono móbil con conexión a Internet
• - Ter un perfil de Facebook
• - Ter instalada no móbil a aplicación de Youtube

  Preténdese crear un canal de Youtube que aglutine as preparacións que xurdan nos obradoiros, despois de ser editadas coa axuda do profesorado. Para iso, tamén se contará coa colaboración do Servizo de Normalización Linguística municipal.  

Fonte

• Concello de Vimianzo