Como medra este Asalto ao Castelo de Vimianzo polo seu 20 aniversario. As apostas que presentarán este sábado 13 de xuño son verdadeiras novidosas. Nada menos que unha “ópera contemporánea” e unha banda deseñada histórica no XX Asalto. A cita, ás 20.30h no Auditorio da Casa da cultura de Vimianzo.

Fantástica a creación da familia da Cherinkas co apoio do Concello do CD de música “Irmandiño Son”. O álbum desenvólvese de principio a fin narrando a historia dunha rebelión popular marcada polo amor e a desesperación. Todo isto reunindo diferentes formacións musicais con estilos tan variadas que van desde o rock até o folk, nunha especie de “ópera contemporánea”.

Ademais da presentación, haberá unha boa ocasión para escoitar o resultado nun concerto que se celebrará o venres 26 de xuño ás 22.30h na praza do Concello de Vimianzo.

Estes son os temas:

• 1. INTRO: Manuel Rial feat. Ghillermo.
• 2. Xa non podo. Animundis (Rock).
• 3. A dama e o cabaleiro. Suso de Quinito (cantautor).
• 4. Todos en formación! Fu-Gao’s (Pop).
• 5. Arde Soneira. Kosoco Nasera (Samba/reggae).
• 6. Rumba o chimpo. Banda de gaitas da A. C. Trubisquiña (tradicional).
• 7. Miserables. Viero Ruiz & Caamaño (hip-hop).
• 8. Ata a morte e máis alá. Bastardos de Rivera (garage/punk).
• 9. Sen temor. Ürko (Hard rock/Metal).
• 10. Impetum. Efra (Electrónica).
• 11. Vento irmandiño. Coral polifónica Lusco e fusco (Coral polifónica).
• 12. Todo é teu. Serj (Rock).

Banda deseñada 1468

No mesmo acto tamén se presentará as publicacións literarios desta edición. Destaca a banda deseñada 1468, do artista gráfico vimiancés Rubén Rial, que narra a o Asalto ao Castelo de Vimianzo cunha fonda documentación histórica. O que máis chama a atención neste caso é a reconstrución da fortaleza tal e como se vía antes do derrubamento e as reformas do século XV. André, o cuadrilleiro que lidera as milicias irmandiñas do val de Vimianzo, non está de acordo coa forma coa que a Santa Irmandade pretende derrocar aos últimos redutos de tiranía que aínda asolagan parte do Reino de Galicia.

Nunha época de relativa calma, onde a Santa Irmandade goberna baixo a legalidade e os apoios concedidos polo Rei de Castela, comezan a xurdir conflitos internos no seo das propias irmandades. A clase señorial está xa moi debilitada e André, desobedecendo as ordes da Santa Irmandade, busca unha solución que non supoña o gasto inútil de vidas nunha batalla xa gañada. Pero non todo sae como el esperaba…

Novas relacionadas

• Os traxes e as fachadas medievais tamén terán premio no Asalto ao Castelo.
• Unha Legua para liberar o pobo Irmandiño.
• Un mes Asaltando o Castelo.
• 500 persoas poderán disfrutar da Cea Medieval dos 20 anos de Asalto ao Castelo.
• O Asalto escollerá os seus actores na Gala-Casting do 20 Aniversario.
• O Asalto quece motores con artesanía, música e deporte.
• I Legua Irmandiña 2015: Os Irmandiños tamén saben correr.
• Bo relevo para armar un 20º aniversario do Asalto ao Castelo cheo de música.
• A Cherinkas, que se fai maior, decidirá se segue ao mando do Asalto ao Castelo.
• Asalto 2014: Os rollos da Marquesa; gañador dos pinchos irmandiños do Asalto ao Castelo de Vimianzo.
• Asalto 2013: Asalto ao Castelo, a traca final (en vídeo).

Fonte

• www.asaltoaocastelo.org.