Martes. 01.12.2020
El tiempo

Tesouros da Parroquia de Berdoias (V): A Eira do Carmelo

Continuamos da man “Asociación Parroquial de Berdoias“ e o Seminario de Estudos Comarcais (SEMESCOM), recuperando o rico e variado patrimonio que atesouran os lugares da parroquia vimiancesa de Berdoias. Hoxe seguimos ca serie sobre as construcións de transformación de gran, coas Eiras.
Eira do Carmelo, con pombal e cabazo
Eira do Carmelo, con pombal e cabazo
Tesouros da Parroquia de Berdoias (V): A Eira do Carmelo

Mostra do Patrimonio Material da Parroquia de Berdoias:
Construcións de transformación do Gran (V):
A Eira do Carmelo, en Berdoias

A carón da Casa de Acollida ó Camiñante, na parte alta, ventosa e solleira, do lugar de Berdoias, atópase ubicado un conxunto dun pombal, un cabazo e unha eira.

Un pombal cilíndrico e de teito de ferradura, un cabazo atlántico de cantería, e a eira do Carmelo. Esta eira do Carmelo é un espazo arquitectónico, parte cuadrangular e parte circular, perfectamente empedrado, cun chan de lousas rectangulares, moi regulares en tamaño.

Ten de bordo un sólido cercado con tramos de alturas que oscilan entre 1,10 m e 1,25 m, e un ancho de 0,70 m, bastante ben conservado. Este muro perimetral está cuberto pola cara interior que dá á eira con lousas de diversos tamaños, e acompañado de cachotería en todo o resto.

Un muro compacto non só era apto para protexer o froito senón tamén para facer a malla do trigo, do centeo e das aveas co pisar das bestas.

Eira do Carmelo, co chan e a cara interior do bordo, enlousadas
Eira do Carmelo, co chan e a cara interior do bordo, enlousadas

MAPA DAS EIRAS DO LUGAR DE BERDOIAS
Mapa das eiras do lugar de Berdoias

Conxunto da eira do Carmelo, Pombal e cabazo, mirando a Berdoias
Conxunto da eira do Carmelo, Pombal e cabazo, mirando a Berdoias

Tesouros de Berdoias

comentarios