Volve o Concello de Vimianzo cunha programación completa para os vindeiros 5 meses. Dende este domingo 3 de febreiro e ata finais de xuño, cada domingo, o auditorio da Casa da Cultura acollerá unha función, unha obra, facendo do costume, virtud. I é que xa é toda unha referencia na bisbarra os domingos teatreiros de Vimianzo, sabendo que a programación continua é unha boa receita para encher os auditorios.

O Concello vimiancés propón unha programación por meses, repartindo a programación en teatro e monólogos, un abril histórico, un mes maio adicado ás letras, e un mes de xuño con vocación local, para que as escolas da zona amosen o aprendido duranye o ano:

• Febreiro: "O mes do Teatro".
• Marzo: "O mes das contadas".
• Abril: "O mes da República da Liberdade".
• Maio: "O mes das Letras".
• Xuño: "O mes do noso".

E atentos, que de paso que ides ao teatro, aproveitade para ver a exposición de escultura do vimiancés Suso Fuentes Canosa, que vén de ser inaugurada nesa Sala para poñer e valor os artistas locais, e que precisamente leva o nome dun deles, Antón Mouzo.

Máis información

• Concello de Vimianzo: Programación Cultural do Auditorio de febreiro a xuño de 2013.

Novas relacionadas

• Vimianzo xa pensa no seu gran luns de Entroido.
• Laconada&Guateque como pistoletazo aos carnavais en Vimianzo.
• Vimianzo segue, co escultor Suso Fuentes, poñendo en valor aos artistas locais.
• En Vimianzo hai talento, moito talento.
• Programación continua, receita para encher os auditorios.

Fonte

• Concello de Vimianzo.