Sábado. 25.06.2022
El tiempo

Vimianzo abre o seu Outono Gastronómico con menús, sobremesas da casa e moita festa

Vimianzo abre o seu Outono Gastronómico con menús, sobremesas da casa e moita festa

Desde este venres 2 de novembro de 2012, xa se poden disfrutar do III Outono Gastronómico de Vimianzo. Un programa que este ano chega a restaurantes, panaderías e bares. Así, gastronomía e ocio suman esforzos para ofrecer un completo menú de Outono. Como suma a unión no sector hostaleiro de Vimianzo, que segue a convertir a capital soneirá nun centro cultural e gastronómico da zona.

Só con ver estes pratos xa nos poñemos nerviosos a verdade. E se ollamos á Bica de Vimianzo... O caso é que este ano, ademais dos fabulosos menús gastronómicos elaborado con produtos de outono a un prezo de 20€ (bodega á parte), teremos ocasión de probar os mellores postres, e disfrutar das actuacións máis auténticas.

Os menús

Outono Gastronómico de Vimianzo 2012-Menú do Restaurante O Castillo

5 restaurantes de referencia da cociña non só de Vimianzo, senón de toda a Costa da Morte, O Castillo, Casa Sabina, Vázquez, Pastoriza, Edreira e Casa Paco, son os protagonistas destes menús. Como vemos nas imaxes, temos produtos de outono como castañas ou cogomelos.

Outono Gastronómico de Vimianzo 2012-Menús de Casa Sabina

Pero ademais, a sobremesa da casa corre a conta das Panaderías Ignacio, Antoxos e Sampedro, que traerán dúas delicias soneiráns: as pedras e a bica de Vimianzo.

ABica de Vimianzo será unha das sobremesas protagonistas do Outono Gastronómico de Vimianzo

A oferta de ocio

Aí están tamén os establecementos máis activos da vila. Os Celme, Mehari, A Rúa, Quilmes e Casa Landeira (Treos) presentarán unha oferta de ocio durante as fins de semana das xornadas gastronómicas, con contacontos, actuacións musicais, magosto,… E ata un Karaoke-show co "xente de aquí" que promete...

  • O sábado 3 de novembro toca concerto dun grupo de fusiónno pub Mehari.
  • O sábado 10 de novembro toca contacontos por partida doble: Ás 23:00h en A Rúa e ás 0:00 no Celme.
  • O venres 16 de novembro toca magosto gaiteiro en Casa Landeira.
  • O sábado 17 de novembro toca contacontos no Quilmes (23:00h) e no Mehari (0:00h).
  • O sábado 24 de novembro toca actuación especial no Celme: TRIBUTO A JOAQUÍN SABINA CON PABLO RUBÉN
  • O sábado 1 de decembro toca actuación especial no Mehari.
  • O sábado 8 de decembro toca actuación especial no Celme.
  • O sábado 15 de decembro toca Karaoke-show co "xente de aquí" no Mehari...

Toda a información

Pincha na imaxe para ampliar o Folleto informativo do Outono Gastronómico de VImianzo

Novas relacionadas

Fonte e máis información

comentarios