Insertega é unha empresa galega que ten como obxectivo a integración social a traves da reciclaxe Seguindo o exemplo do concello de Carballo, que o ano pasado recolliu máis de 59 toneladas de textil, Vimianzo súmase á recollida de refugallo textil e calzado. Así, no día de onte o alcalde do concello de Vimianzo, Manuel Antelo Pazos e o representante de Insertega, Manuel Álvarez Senra, asinaron un convenio polo cal a empresa colocará varios colectores de recollida de roupa usada no casco urbano de Vimianzo e nas parroquias de Baíñas e Carnés. Con esta medida o concello de Vimianzo aposta polo reciclaxe e a recollida selectiva das prendas de roupa, reducindo o volume destes produtos que se depositan en vertedeiros, xerando unha diminución de custos de xestión e prolongando a vida útil destas instalacións. Prodúcese tamén un aforro de auga e enerxía e unha redución da contaminación xerada ao producir estes materiais nos que se empregan unha gran cantidade de substancias químicas, das cales algunhas son altamente tóxicas, contribuíndose deste xeito á mellora do medio ambiente. Insertega é unha empresa galega que ten como obxectivo o da integración social a través do reciclaxe. Máis do 70 % do seu cadro de persoal son persoas con discapacidade.

Novas relacionadas

• Carballo doa máis de 59 toneladas de roupa para reciclar
• A veciñanza de Carballo doou 54 toneladas de roupa usada en 2014
• A ONG Equus Zebra segue recollendo roupa usada en Malpica.
• 4 concellos da zona segues axudando a proxectos de cooperación no hemisferio Sur.
• A ONG Equus Zebra chega tamén á Malpica para recoller roupa.

Fonte

• Redacción QPC (info@quepasanacosta.com).
• Concello de Vimianzo