Xa se pode palpar nas mesas dos restaurantes. O proxecto Vimianzo. Do mar á terra presentábase o pasado venres no Castelo de Vimianzo, e arrinca en clave de gastronomía. Máis concretamente, arqueogatronomía, mesturando a riqueza patrimonial das terras de Soneira coa arte culinaria dos seus establecimentos.

Deste xeito, unha das accións desta iniciativa de dinamización turística consistiu na recuperación da gastronomía castrexa e medieval grazas á colaboración con doce hostaleiros locais (integrados na Rede de Hostaleiros "Vimianzo. Do mar á terra") e o asesoramento de dos malacólogos Víctor Bejega e Eduardo González; e o cociñeiro, Miguel Silvarredonda.
Así, que a partir da próxima semana, estes restaurantes, bares ou panaderías servirán ou venderán preparacións castrexas e medievais. Nos restaurantes, os pratros castrexos terán un prezo de 10€ e os menús medievais, de 20€. Os comensais, ademais de facer esa viaxeno tempo a través do padal, tamén poderán comprar a vaixela de barro de Buño na que se presentan as elaboracións gastronómicas.

Presentación

Foi o alcalde de Vimianzo, Manuel Anteloo presentador, e estivo presente o xerente do GAC, Guillermo González Díez; e os asesores do proxecto, os malacólogos e doctorandos da Universidade de León, Víctor Bejega García e Eduardo González Gómez de Agüero; o cociñeiro Miguel Silvarredonda; e os doce empresarios integrados na Rede de Hostaleiros. Entre os asistentes estaban tamén un grupo de xornalistas especializados en turismo e gastronomía que durante dous días coñecerán o proxecto e visitarán Vimianzo e a Costa da Morte. Os medios asistentes son os blogs 2 Viajes en el objetivo, Vivir Galicia e Diario del Viajero, o diario online de viaxes expreso.info e o programa da Radio Galega Come e fala.

Durante a súa intervención, os malacólogos calificaron de “hito” e “recurso espectacular” o proxecto de Vimianzo porque supón trasladar ao papel, das súas teses, á realidade as investigacións que levaron a cabo durante moito tempo. Pola súa parte, o alcalde de Vimianzo tamén se mostrou moi ilusionado co proxecto, agardando que “isto non sexa o remate, senón o comezo dunha nova etapa”.

Tras o evento, realizouse unha degustación no Castelo de Vimianzo na que os establecementos da Rede de Hostaleiros serviron algúns dos menús, pinchos e produtos de panadería castrexos e medievais que se servirán ou venderán nos seus locais. Así, desde este outono, os comensais que paren a comer en Vimianzo poderán facer unha viaxe no tempo a través do padal. Hai que recordar que cada ano, nos restaurantes de Vimianzo se serven case 250.000 menús.

Arqueogastronomía e ecogastronomía

As recetas dos pratos castrexos (Idade do Ferro) e menús medievais están incluídas nun receitario realizado polos propios hostaleiros vimianceses co asesoramento do cociñeiro Miguel Silvarredonda e dos malacólogos, Víctor Bejega García e Eduardo González. As novas elaboracións culinarias dos restauradores vimianceses tamén están dispoñibles en versión audiovisual na páxina web do proxecto (www.domaraterra.com) baixo o nome de “Telerreceitas”.

Os establecementos integrados na Rede son Casa Sabina, O Retiro de Barboles, restaurantes Pastoriza, O Castillo, Vía Rápida, Celme Café, Casa Landeira, Café Bar Requeiro, Quilmes e as panaderías Sampedro, Antoxos e Pan Ignacio.

Listaxe de patros castexos, menús medievais, pinchos e produtos elaborados

Pratos Castrexos

• Casa Sabina:
  - Crema de trigo con froitos do mar e da terra.
  - Queixo fresco con mel e froitos secos .
• O Retiro de Barboles:
  - Sopa do Castro.
  - Ensalada de froitos con sopa de leite .
• O Castillo:
  - Potaxe castrexa.
  - Filloa rechea de compota de pera.
• Pastoriza:
  - Pote de trigo.

Menús medievais

• Vía Rápida:
  - Cordeiro de Deus.
  - Torta da Dama.
• Casa Sabina:
  - Garavanzos con peixe de rocha.
  - Pescada con setas e acelgas.
• O Retiro de Barboles:
  - Espetada de troitas.
  - Porco doce.
  - Castañas cocidas aromatizadas.
• O Castillo:
  - Ensalada da Marquesa.
  - Galiña medieval.
  - Biscoito de salvado e noces.
• Pastoriza:
  - Mexillóns de campo.
  - Pescada en cama de verza.
  - Follado do bosque do Marqués.

Pinchos

• Casa Sabina.
• Celme Café.
• Casa Landeira.
• Café Bar Requeiro.
• Quilmes.

Venta de produtos

• Panadería Sampedro: Empanada castrexa, Bolo lonxevo e Biscoito medieval.
• Panadería Antoxos: Empanada de mexillóns e Biscoito de améndoas.
• Pan Ignacio: Trenza de pan de trigo do país e centeo, Empanada de trigo de vieiras e Biscoito de castañas.

Máis información

• www.domaraterra.com.
• Facebook: Vimianzo. Do mar á terra.

Novas relacionadas

• A arqueograstronomía estará nos menús de 12 establecimentos vimianceses.
• Os hostaleiros de Vimianzo coñeceron a oferta de turismo gastronómico de Arousa.
• Novas xornadas de formación para hostaleiros en Vimianzo e Malpica.
• Malpica, o porto dos soños, o mar de Sisargas.
• Un concurso xornalístico para divulgar a arqueogastronomía soneirá dentro de Do mar á Terra.
• Completo mes de setembro no proxecto Do Mar á Terra.

Fonte

• Redacción de QPC (info@quepasanacosta.gal).