Pois non haberá paso de peóns na AC-552 ao seu paso por Vimianzo. A Consellaría de Medio ambiente, territorio e infraestruturas da Xunta de Galicia remituille ao Concello de Vimianzo un escrito desestimando a petición da veciñanza e do Concello para que se pintara un paso de peóns na estrada Carballo-Fisterra, nas proximidades da Oficina de Correos da localidade.

As razóns esgrimidas polo ente autonómico para rexeitar a petición son que actualmente os peóns teñen pasos próximos polos que cruzar, mentres que a implantación de novos pasos infuiría negativamente na fluidez do tráfico rodado.

No informe técnico que acompañan, ademáis indican que “ante a permanente presión dos peóns para pintar pasos por doquier, sendo normalmente o propio concello o peticionario, é polo que debe facerse un esforzo didáctico cara eles”.

Fonte

• Concello de Vimianzo.