O alcalde de Vimianzo recibiu aos alumnos franceses que participan nun intercambio co IES Terra de Soneira Nas rúas de Vimianzo escoitaranse durante estes días moitas conversas en francés. O motivo é a visita de 14 alumnos de ESO e Bacharelato procedentes da localidade francesa de Albi - Departamento de Tarn - que pasarán unha por terras vimiancesas grazas ao programa de intercambio organizado polo IES Terra de Soneira. Cada un dos estudantes está aloxado cunha familia vimiancesa e, durante este periodo, polo que durante a súa estancia coñecerán os costumes da zona ao tempo que ampliarán os seus coñecementos académicos. O IES Terra de Soneira organiza estes intercambios dende fai dous anos. O ano pasado foron os alumnos soneiráns os que se desprazaron a Francia, tal e como está previsto que suceda para o ano vindeiro. Durante a estadía o alumnado francés asistirá as aulas no IES Terra de Soneira e teñen previsto visitar lugares da comarca coma a vila de Camariñas ou o dolmen de Dombate ademais de visitaren A Coruña e Santiago de Compostela.

Novas relacionadas

• IES Terra de Soneira: Preparados, móbil, acción
• As curtas cun móbil dos alumnos do IES Terra de Soneira.
• O proceso de creación dun mural cos alumnos do IESTerra de Soneira.
• As curtas da mocidade da Costa da Morte contra a violencia de xénero.

Fonte

• Redacción QPC ([email protected])
• Vimianzo