Vimianzo recibe o certificado de concello soliario co Alzheimer

07:07 04/11/16

O alcalde de Vimianzo recolleu onte o certificado entregado por AFABER A asociación de familiares de persoas con Alzheimer de Bergantiños - AFABER - entrougoulle onte a Manuel Antelo -alcalde de Vimianzo - o Certificado de Concello declarado solidario coa enfermidade do Alzheimer ao concello de Vimianzo. O concello de Vimianzo declárouse coma Concello Solidario coa Enfermidade do Alzheimer no ano 2012, apoiando así a necesidade de atender aos veciños que conviven con unha demencia e tanto implícase na atención en demencias e Alzheimer. Dende o mes de maio membros de AFABER desprázanse ata o concello de Vimianzo co fin de manter informada e orientada á poboación da comarca do Soneira en materia de Alzheimer e doutras demencias. O Punto de Información e Atención está situado no baixo da casa consistorial ao carón das dependencias do Xulgado de Paz e o horario de atención é os mércores e xoves de 10:00 a 13:00 horas. Actividades AFABER

Por outra parte, AFABER inicia estes días a súa programación para os vindeiros meses. O próximo 14 de novembro iniciará o programa de Envellecemento Activo a través dos talleres de memoria que se desenvolverán os luns e os mércores - de 16:30 a 18 horas - no Pazo da Cultura de Carballo. Os grupos de apoio para familiares de persoas afectadas por unha demencia terán unha reunión o vindeiro día 8 de novembro, ás 10:30 na casa da Cultura do concello de Santa Comba e, ás 20 horas no local de AFABER en Carballo. O grupo de Cabana reunirase o día 9, ás 16 horas no centro de maiores de Cesullas. E o vindeiro 18 de novembro, a partir das 20:10 horas AFABER celebrará o seu tradicional magosto no local da entidade, na Rúa Camelias, 2 - baixo en Carballo, ao que están invitados todos os socios e colaboradores da entidade. Para asistir aos talleres de memoria e ao magosto é preciso anotarse nos números de teléfono 981 758 545 - 625 980691 ou no enderezo electrónico [email protected].