Aposta forte este ano o Concello de Vimianzo polo entroido. E facendo encaixe entre os programas culturais dos concellos da zona, veñen de escoller a tarde do luns 20 de febreiro como día grade, como o día do Concurso de Disfraces na Praza do Concello. Aló estará, por certo, QPC como membro do xurado.

O pasarrúas percorrerá a vila ata as inmediacións da praza do concello, lugar onde se levarán a cabo as actuacións

As bases xa están presentadas e o prazo de inscrición remata o venres 17 de febreiro ás 14:00h. Xa están pois as comparsas (cun mínimo de 10 compoñentes) preparando as súas actuacións, e coa arte que hai no Distrito Friki de Vimianzo, podemos esperar calquera cousa.

Ademais, os premios será un incentivo, para que o ano que vén haia orzamento para uns disfraces máis traballados:

• Premio á mellor comparsa: 300€.
• Premio ao mellor grupo: 150€.
• Premio a mellor comparsa de Vimianzo: 200€.
• Premio ao mellor grupo de Vimianzo: 100€.

Máis actividades para nenos e maiores

Pero o entroido virá cargado. Haberá tamén obradoiros de caretas e antefaces polas parroquias, dende o 11 de febreiro enBaíñas ata o 10 en Carnés e Vimianzo.

Ademais, o Baile de disfraces para maiores será o domingo 19 a partir das 19:00h no Centro Social.

Novas relacionadas

• Santi Caneta será o pregoeiro dun Entroido de Fisterra que xa ten cartel.
• Os Reis tamén deixaron a súa pegada en Vimianzo.
• Xurxo Martiño demostra o potencial artístico vimiancés na casa.
• Vimianzo xa decidiu os dous escaparates máis navideños e creativos.

Fonte

• Concello de Vimianzo.