Xoves. 23.05.2019
El tiempo

Vimianzo volve fundirse ca cidadanía europea en clave de patrimonio

Vimianzo volve fundirse ca cidadanía europea en clave de patrimonio
Imaxe dunha delegación vimiancesa en Sicilia no marco doutro proxecto europeo Imaxe dunha delegación vimiancesa en Sicilia no marco doutro proxecto europeo

O proxecto vimiancés “Acción da cidadanía da UE para pobos históricos intelixentes” foi dos 16 seleccionados (das 139 solicitudes) no marco do programa “Europa coa cidadanía”. O Concello de Vimianzo conta así cunha axuda de 146.000€ para desenvolver, durante os vindeiros 2 anos, un novo programa europeo, da man de 40 pequenos concellos rurais de menos de 10.000 habitantes de países como Italia, Croacia, Bélgica, Portugal, Bulgaria, Antigua República Yugoslava de Macedonia e Letonia.

Un proxecto baseado na participación cidadá e no patrimonio cultural material e inmaterial, que pretende crear unha rede europea de pobos históricos intelixentes que dea participación á cidadanía na vida socioeconómica, favoreza accións de compromiso social e defina estratexias de desenvolvemento local que conduzan ao crecemento rural intelixente, sostible e inclusivo na UE baseadas na actividación do legado cultural.

Os grupos de traballo temáticos transnacionais levarán a cabo unha ampla gama de actividades de participación cidadán. A través desas accións desenvolverase un mapa coas mellores prácticas de iniciativas exitosas xurdidas das sinerxias entre a innovación social e o patrimonio cultural.

Contémplase a organización de 7 encontros transnacionais. O primeiro e o últimos están programados para realizarse en Vimianzo.

Novas relacionadas

https://quepasanacosta.gal/os-euroembaixadores-da-ponte-masacran-a-preguntas-a-jose-blanco-e-prepara-un-2019-viaxeiro/ https://quepasanacosta.gal/vimianzo-presente-na-nova-xuntanza-do-programa-ern4mob-en-eslovaquia/

Comentarios