Unha visita guiada con Viki Rivadulla para coñecer as Mouras
07:43 08/04/26
Este sábado 11 de abril teremos a posibilidade de coñecer de primeira man as fontes de "Onde habitan as Mouras: cartografías de nós".
A Sala de Exposicións Antón Mouzo da Casa da Cultura de Vimianzo acolle a visita guiada á exposición de Viki Rivadulla, ás 18:30h, na que a autora muxiá debullará as imaxes e formas que a protagonizan, como fixo na inauguración.
A mostra poderá visitarse ata o 19 de abril.
- De luns a venres: de 9:00 a 14:00 h e de 16:00 a 20:00 h
- Sábados: de 9:00 a 14:00 h e de 20:00 a 22:00 h


