Tócalle agora o turno ao xurado (formado polo Concello e por Badius Teatro) para escoller os 5 espectáculos finalistas que se representarán na III Mostra de Teatro Afeccionado “Labarta Pose”. Pero a cifra de 19 obras presentadas á Mostra, organizada pola Concellería de Cultura de Zas, é todo un éxito de participación. Son obras de 17 compañías distintos puntos do país, entre as que figuras agrupacións de O Carballiño, Coles, Barbadás, Vigo, Chapela, Vedra, Arteixo, Fene, Ferrol, Teo, A Coruña,... Entre as obras presentadas hai todo tipo de xéneros, ainda que cunha certa predominancia da comedia.

Os 5 espectáculos finalistas representaranse os días 21 e 28 de abril e 5, 12 e 19 de maio distribuídas entre o auditorio do pavillón de Baio e o auditorio da Casa do Concello de Zas. A entrega de premios terá lugar o domingo 27 de maio.
Cada unha das obras finalistas recibirá 500€ e un diploma. A mellor obra elixida polo xurado, o mellor actor e a mellor actriz e a mellor obra elixida polo público recibirán cadanseu agasallo conmemorativo.

• Os Fouciño volverán situar a Baio no centro do audiovisual galego
• III Mostra: Arranca a III edición da Mostra de Teatro Afeccionado de Zas.
• II Mostra: Zas revitaliza o teatro afeccionado
• II Mostra: “Esperamos que nesta segunda edición Zas consolide a Mostra de Teatro Afeccionado dentro da axenda cultural”
• I Mostra: Zas consolida a Mostra de Teatro Afeccionado dentro da súa axenda cultural
• A figura de Labarta Pose reactívase coa visita do seu bisneto.

• Redacción QPC ([email protected])