A música e o cine volven ás Torres do Allo
08:09 18/08/17
Mañá sábado, a partir das 20:30 horas, Petrosian ofrece un concerto de música clásica nas Torres do Allo
Unha fin de semana máis o pazo das Torres do Allo volve a encherse de actividade para ofrecerlle outras alternativas aos seus visitantes - que esten ano baten marcas -. Así, ademais das visitas guiadas diairas e das teatralizadas dos domingos, mañá sábado haberá o pazo acollerá dous eventos.
O primeiro deles será ás 20:30 horas cun concerto de música clásica da mana de Petrosian, quen interpretará co seu violín diferentes obras de Bach, Vivaldi e outros recoñecidos compositores. A súa música envolverá as paredes da Torre Vella do histórico inmoble nun ambiente bucólico e conmovedor, que a ningún asistente deixa indiferente, como así o atestiguou o público das dúas citas anteriores. Este sábado será a terceira actuación do músico nas Torres do Allo, quedadno pendente unha cuarta e derradeira o próximo venres 25, dando peche á actividade “Clásica nas Torres” da programación estival.
E o segundo dos eventos programados para esta fin de semana será na mesma noite do día 19, ás 22.30 horas, coa proxección da película galega "A Esmorga", adaptación da obra homónima de Eduardo Blanco Amor e interpretada por Miguel de Lira, Karra Elejalde e Antonio Durán “Morris”. A historia está ambientada na cidade de Ourense, onde se rodou e onde transcorre a noite de festa dos tres personaxes principais. O filme acadou un gran éxito tanto en Galicia como no resto de España e obtivo numerosos galardóns: recibiu seis nos Premios Mestre Mateo no ano da súa estrea, 2014; tres na 20ª edición do Festival de Toulouse e foi nomeada aos Premios Goya na categoría de mellor guión adaptado na XXIX edición.
Concurso de fotografía
Por outra banda, esta fin de semana remata o prazo para participar no I Concurso de Fotografía Móbil_”Enfoques do Allo” . No concurso pode participar calquera que o desexe e o único que terá que facer é sacar unha foto interior ou exterior do monumento Torres do Allo e a súa contorna e enviala ao enderezo [email protected], xunto cos seus datos persoais de contacto (nome e teléfono). O concello de Zas repartirá 225 euros en premios (100€, 75€ e 50€).
Máis información
Novas relacionadas- As Torres do Allo bate récord de visitas
- De ruta polos pazos de Zas
- Continúan as actividades nas Torres do Allo
- As Torres do Allo énchense de música clásica, xogos e visitas guiadas durante a fin de semana
- Zas promociona as Torres do Allo a través dun concurso de fotografía
- As Torres do Allo dixitalízanse e énchense de actividades
- As Torres do Allo estrean horario de verán
- Un grupo de profesores de distintas universidades visitan as Torres do Allo
- Lucho Penabade: “O Castelo de Vimianzo e as Torres do Allo son os escenarios ideais para as visitas teatralizadas”
- Abril 2017: As visitas teatralizadas volven ás Torres do Allo na Semana Santa
- Xaneiro 2017: As Torres do Allo estrean folletos
- Xaneiro 2017: Os mil segredos das Torres do Allo
- Novembro 2016: 140 alumnos de Zas aprenden a historia da comarca nas Torres do Allo
- Setembro 2016: As Torres do Allo acollen unha exposición de pezas de Olería de Buño
- Setembro 2016: Máis de 2200 persoas visitaron as Torres do Allo durante o verán
- Setembro 2016: 400 persoas disfrutaron das visitas teatralizadas das Torres do Allo
- Xullo 2016: Máis de 900 persoas visitan as Torres do Allo nos últimos tres meses.
- Xullo 2016: As Torres do Allo potencian o seu pasado.
- As visitas teatralizadas chegan ás Torres do Allo
- O Concello de Zas xestionará as visitas e a difusión das Torres do Allo
- Redacción QPC ([email protected])
- Concello de Zas