Xa hai sitios reservados na nova zona de merendas que e de acceso gratuito Como cada 26 de xullo, a parroquia zasense de Muíño vivirá o seu día grande. Tras varios rumores de se celebaría a popular romaría da Santa Margarida ou non, finalmente a festa irá adiante. Iso sí, con cambios. O lugar das merendas mudará xa que as discrepancias familiares coa herencia impiden - polo menos este ano - que os romeiros instalen as súas mesas e toldos no lugar que o facían habitualmente tras pagar a entrada no recinto. "Varios os veciños e veciñas de Muíño puxeronse en contacto con nos para ofrecer os terreos lindantes coa capela", apuntan dende a comisión de festas. Polo que outra das novidades deste ano será que o aparcamento é gratis, a diferenza dos 15 euros que se pagaban nos últimos anos para acceder co coche á zona das merendas. En total poñerán a disposición dos centos de romerios máis de cinco hectáreas de terreo que xa están adecentadas grazas á colaboración do concello de Zas. Xa comezan a verse moitos sitios marcados. Polo resto todo seguirá igual, as pandillas de amigos e familias seguirán xuntandose para desfrutar dunha boa comida campestre, os actos relixiosos reunirán a centro de devotos ante a virxe de Santa Margarida, as orquestas amenizarán a sesión vermú e a verbena e os romeiros peregrinarán cara a fonte milagreira, uns para curar os seus males e outros na procura da diversión. Fonte

• Redacción QPC (info@quepasanacosta.com)