Un ano máis, o Concello de Zas vén de poñer en marcha “Maio, mes das letras”; un programa cultural que nace ao arredor do Día das Letras Galegas e que se estende durante todo o mes con diferentes propostas para todos os públicos. 

Ademais o Concello vén de editar un folleto divulgativo sobre a vida e obra da homenaxeada, a coruñesa Luisa Villalta.

QUEN É LUISA VILLALTA

XV Concurso de Marcapáxinas

Unha das principais actividades do programa “Maio, mes das letras” é o concurso de marcapáxinas, que vai pola súa 15ª edición, e co que nos sumamos aos actos de homenaxe a Luísa Villata Gómez, a escritora protagonista do Día das Letras Galegas deste ano. Ao igual que nos anos anteriores, o certame está dirixido ao alumnado dos diferentes centros de ensino do noso municipio sendo o Día das Letras Galegas o tema obrigatorio.

Actividades infantís

• “Consertasso na horta!”: O 13 de maio Brais das Hortas ofreceralle este espectáculo ao alumnado do CEIP de Zas (10:00 horas) e do CEIP Labarta Pose (12:45 horas).
• “Fábulas”, Contacontos Teatral: Os ratiños de Lonxedetodo traénnos un contacontos para toda familia que nos interpretarán o 13 de maio ás 18:00 horas no Auditorio de Baio e, ao día seguinte tamén ás 18:00 horas, no Centro Sociocultural de Zas.
• O grupo de música folk Alana ofreceralle un concerto ao alumnado da ESO e BACH do IES Maximino Romero Lema o xoves 16 de maio ás 12:45 horas.

17 de maio

O propio día das Letras Galegas, as Torres do Allo acollen a partir das 12:30 horas “Lea”; un espectáculo dirixido por Fran Siera coa colaboración dos membros da Asociación Cultural Adro e que se enmarca dentro do Proxecto Escora Danza e, a continuación, haberá unha foliada aberta.

VII Mostra de Teatro Afeccionado Labarta Pose

Durante o mes de maio continúa a VII Mostra de Teatro Afeccionado Labarta Pose con diferentes citas:

• 4 de maio: “Fatum”, de O Catre Teatro de As Pontes de García Rodríguez. Esta é unha comedia para todos os públicos que se representará as 21:00 horas no Auditorio de Baio.
• 11 de maio: “Crónica dun pobo”, unha comedia de Gargallada Teatro que chega dende O Barco de Valdeorras e que nos interpretarán as 21:00 horas no Auditorio de Baio. Tamén está dirixida a todos os públicos.
• 18 de maio: “O traballo de Andrea”, do Colectivo Cultural Ollomao, de Barreiros. Este drama, dirixido ao público adulto, representarase as 21:00 horas no Auditorio de Zas.
• 25 de maio: O Auditorio de Zas acolle a partir das 18:00 horas a Clausura da Escola de Teatro Infantil do Concello de Zas e, a continuación, a entrega dos premios da VII Mostra de Teatro Afeccionado Labarta Pose na que o Concello de Zas repartirá 3.900€ en premios.

Máis citas coas Letras Galegas

Máis novas