Traenos hoxe o Concello de Zas o seu completo programa de Entroido 2012. Un Entroido que xa comeza o vindeiro mércores 15 e xoves 16 de febreiro cos Obradoiros e Xogos de Entroido para cativos no Centro Sociocultural de Zas. Unhas xornadas para as que hai que inscribirse no Concello no 981 751 398 preguntando por Fidel.

O Centro Sociocultural de Zas acollerá tamén, o sábado 18 un Baile-Concurso de Disfraces para maiores, que se desenvolverá de 20h a 23h e que terá 3 premios a base de boas ceas. O baile estará amenizado polo Grupo Marisma.

Os luns e martes de entroido terán de novo aos máis pequenos como protagonistas con novos obradoiros e xogos, desta volta, no Centro Sociocultural de Baio, ás 11:00h. Hai tamén que realizar a inscrición chamando ao 981 718 056 preguntando por Lucía.

A grande cita será o propio martes 21 a partir das 15:00h, cando partirá o Tren do Entroido polas rúas de Zas, para chegar contra as 17:00h á vila de Baio. Os xogos tradicionais tomarán a praza do Concello e o o concurso de Disfraces en Zas estará sazonado por orellas e rosquillas para todos.

Outros entroidos da Costa

• Concello e Asociacións presentan un Entroido de orellas, Urdangarines e Duquesas en Carnota.
• Cee presenta o seu Entroido.
• O Pindo prepárase para a invasión vikinga do Entroido.
• Dumbría presenta o entroido máis desexado.
• Santi Caneta será o pregoeiro dun Entroido de Fisterra que xa ten cartel.
• Vimianzo tamén quere un entroido de primeira.

Fonte

• Redacción de QPC ([email protected]).