Imprimir

Mazaricos recupera a “tractorgata” de Reis no seu programa de Nadal

que pasa na costa | 14 de decembro de 2018

Imaxe da Tractorgata do ano pasado en Mazaricos   Os Reis Magos, por Mazaricos, cambian os camellos por tractores, como non podía ser doutro xeito, para demostrar o poder do sector agrogandeiro no concello da MZ. Non terán problemas, como xa aconteceu o ano pasado, en calzar as botas de auga, e meter os pés na lama as súas maxestades durante a saída do sábado 17:00h a partir das 16:00, pois por Mazaricos iso é o pan de cada día. A TVG estivo no Mazachef Pero o programa de Nadal chega máis completo. A primeira actividade xa se desenvolveu este pasado xoves, co Mazachef, o exitoso curso de cociña da aula gastronómica que contou ademais coa visita da TVG. Onte tamén celebrouse o curso de defensa persoal para mulleres e o sábado pola mañá terá lugar o Festival de Nadal da Escola de Música pola tarde. O Concello levará adiante ademais tres campañas, unha de fomento do comercio local, co sorteo de vales de 50€, outra do turismo, na que o premio será unha fin de semana de turismo no Concello e unha terceira na que as nenas e nenos escribirán os seus desexos para o concello. Unha das grandes citas será o concerto de Tania Fuegho o 22 ás 22:00 da noite, para o que é preceptivo reservar entrada chamando ao 981 86 71 95. Ao día seguinte, o domingo, María del Carmen Rey Núñez presentará a súa obra “Mulleres”. O mércores 26, xoves, 27 e venres, 28 será a quenda ideal para nenas e nenos, pois terán obradoiros diversos polas mañás e cine polas tardes na Casa de Cultura. Non podía falta o gran baile das persoas maiores o día 30 tamén na Casa de Cultura. O día de fin de ano reedítase a Carreira do Leite, que o ano pasado se suspendeu pola meteoroloxía. Ao chegar de correr será o IV Brinde Leiteiro. Nadal Mazaricos Programa 2018
Podes ver este artigo na próxima dirección /articulo/mazaricos/mazaricos-recupera-a-tractorgata-de-reis-no-seu-programa-de-nadal/20181214061140090010.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia