Imprimir

O viño, o gran protagonista do mes de marzo no programa laxeiro Reláxese

que pasa na costa | 01 de marzo de 2018

cartel primer trimestre relaxese 2018 - concello de laxe Comeza o programa catas dentro do programa de inverno gastronómico e enolóxico “Relaxese”. Ese programa de desestacionalización da Consellería de Comercio, Hostalería e Turismo que ademais, dalle vida ao recuperado Museo do Mar. Este venres 2 e sábado 3 haberá sendas catas de viño no Museo do Mar de Laxe da man das D.O. Ribera del Duero e D.O. Valdeorras, respectivamente. Serán as dúas primeiras dunha serie de 8 catas neste marzo enolóxico. O vindeiro venres 2 de marzo ás 19:00 da tarde terá lugar a primeira cata de viños do mes de marzo. Será da Denominación de Orixe (DO) Ribera del Duero, coa Bodega Cruz de Alba, pertencente ó grupo Zadive. Estarán presentes o responsable de vendas, Francisco Rey, e dirixirá a cata o enólogo Sergio Ávila. O sábado ás 12:00, será a vez para a DO Valdeorras. Dirixirá a actividade a Bodega Pazo de Toubes, incorporada dende fai dous anos no grupo Cooperativa Vitivinícola do Ribeiro. Asistirán o delegado comercial, Andrea Poli, e o enólogo xefe Manuel Gómez. As catas celebraranse no Museo do Mar. Non se require inscrición previa para asistir. As prazas son limitadas, ata completar aforo.

Novas relacionadas

Podes ver este artigo na próxima dirección /articulo/laxe/o-vino-o-gran-protagonista-do-mes-de-marzo-no-programa-laxeiro-relaxese/20180301043214087231.html


© 2019 que pasa na costa

COPYRIGHT 2019 QUE PASA NA COSTA