Imprimir

Un paso adiante dende o Fonteboa para o proxecto DUMU, o Camiño de Dumbría e Muxía

que pasa na costa | 30 de setembro de 2019

Este pasado venres, coincidindo co Día Mundial do Turismo, o delegado territorial da Xunta na Coruña, Ovidio Rodeiro, visitou o Centro de Promoción Rural EFA Fonteboa. Unha cita para coñecer de primeira man o proxecto DUMU, un dos 6 proxectos beneficiados da comarca para poñer en valor o Camiño, no marco das axudas ‘O teu xacobeo’, que se repartirán 80.000€.

O proxecto Dumu centra o seu plan de actuación no tramo do Camiño de Santiago dende Dumbría ata Muxía, vinculando o patrimonio con actividades empresariais que favorezan o desenvolvemento socio-económico das áreas rurais. A creación de vídeos 360 será o principal foco de expansión, para seren promocionados en distintas webs dos concellos, asociacións empresariais/turísticas e no propio portal do proxecto. Asimesmo, realizarase unha campaña de publicidade dos mesmos a nivel europeo, empregando as redes sociais.

Na bisbarra xa coñecimos o proxecto Translatio, que impulsa o Concello de Vimianzo sobre a área de Cereixo, así como Terras de Vákner, impulsado polo Concello de Dumbría.

As axudas tamén inclúen a publicación dunha web “Polo Camiño”, sobre o Camiño Fisterra-Muxía, ou o “proxecto Solpor Fisterra”, centrado na realización de contidos tecnolóxicos (vídeos promocionais, time lapse, web, ect) vinculados coa posta de sol en Fisterra.

Novas relacionadas

Podes ver este artigo na próxima dirección /articulo/coristanco/paso-adiante-dende-fonteboa-proxecto-dumu-camino-dumbria-muxia/20190930111618113469.html


© 2019 que pasa na costa

COPYRIGHT 2019 QUE PASA NA COSTA