Imprimir

O Volei Dumbría mete medo na Superliga2

que pasa na costa | 07 de novembro de 2019

Imaxe do partido desta fin de semana do Volei Dumbria co Collado Villalba
Imaxe do partido desta fin de semana do Volei Dumbria co Collado Villalba

5 xornadas leva en marcha a Superliga 2, e o Volei Dumbría mantense no liderato. O equipo costeiro segue facendo historia na 2ª división estatal, e con 5 vitorias en 5 partido volve facer soñar a toda a afección costeira con esa incrible fase que acolleu a pasada tempada o Conco e que nos deixou ás portas da máxima categoría.

Esta pasada fin de semana o equipo de Luís Alberto Fernández e Gurutz Larrañaga venceu no pavillón dumbriés ao C Collado Villalba por un claro 3-0 (25-19, 23-25, 25-18 e 25-17). Unha nova vitoria que o ratifican como candidato a todo, pois aínda non cederon un set.

Imaxe do partido do Volei Dumbria co Collado Villalba 2

O plantel, moi novo, xa é, nesta 4ª temporada na categoría, e só 5 anos despois do seu debut en competición sénior oficial, un dos cocos.

Este ano tiveron as baixas de Unai Larrañaga, que xoga en Lugo, Marco que está de Erasmus e Bruque. Pero o cadro reforzose co brasileño Danilo e os xuvenís David Outes, Xabi Larrañaga e Sergio Castro.

Plantel do Volei Dumbria 2019-2020

Daniel Muñoz, MVP da xornadaDani Munoz receptor do Volei Dumbria

A fin de semana deixou ademais a boa nova de que receptor Daniel Muñoz foi elixido como MVP da 5ª xornada. O receptor sumou 23 puntos, 22 deles en ataque xunto a un bloqueo e contribuíu á solidez do seu equipo en recepción cun 74% de accións positivas para converterse no segundo mellor anotador e atacante do fin de semana.

Vindeira xornada

Este vindeiro sábado 9 toca viaxe, pois terán que enfrontarse ao Arona Paradise Park no Pab. Jesús Domínguez Grillo de Santa Cruz de Tenerife.

Novas relacionadas

Podes ver este artigo na próxima dirección /articulo/outros-deportes/volei-dumbria-mete-medo-superliga2/20191107074716114749.html


© 2019 que pasa na costa

COPYRIGHT 2019 QUE PASA NA COSTA