Se ben os actos que prepara o Concello de Camariñas arredor dos Naufraxios adiáronse para a vindeira fin de semana por mor do temporal, a Real Liga Naval non quixo dar marcha atrás á súa emotiva homenaxe aos finados do Serpent, no 128 aniversario do acontecemento. Así, este sábado 10 de novembro, a partir das 21:00h, haberá unha fermosa homenaxe, con ofrenda floral e música no mesmo Cemiterio dos Ingleses.