O venres 15 de xuño ás 19:00h na Biblioteca Municipal de Muxía, terá lugar a presentación do libro de Ticiana Ghiglione Darriba (Cha) “Dinamitadas, el despertar de la ironía”. O libro de viñetas da personaxe Dina Mita, prologado polo debuxante gráfico Xaquín Marín e polo académico Xesús Alonso Montero, conta con comentarios de Helena Villar Janeiro, María Xosé Porteiro, José María Pérez (Peridis), Marica Campo, Marina Núñez, Xoán Costa, Tareixa Campo, Águeda Penedo e Susana Pedreira. Ademais da autora, acompañará na presentación Viki Rivadulla. A persoaxe Dina Mita é unha nena con moito sentido do humor e que cuestiona o mundo que lle rodea, a política, as cousas dos adultos… Ticiana é licenciada en Belas Artes e ten un Máster en Animación e Ilustración. Ten feitas numerosas exposicións artísticas, traballos en animación de curtas, e dende o 2013 lanzou a persoaxe Dina Mita que apareceu como tira en diversos medios . A arte venlle xa de familia, Ticiana é filla da polifacética artista e feminista Luz Darriba.