Este luns 23 de novembro, ás 16:00h, Mazarics acollerá unha obra de teatro en clave de igualdade. Pementeiras é un proxecto pedagóxico teatral desenvolvido pola compañía Xoré Teatro, que tén como obxectivo potenciar a igualdade a través do empoderamento feminino ... A historia está ambientada e inspirada no traballo das mulleres pementeiras de Herbón (Padrón), que desempeñan un papel fundamental no referente ao traballo de producción e distribución deste produto hortícola, e aínda así, existe unha fenda na representación a nivel da valorización do seu traballo que, na maioría das veces, é un complemento do traballo do home, que soe ocupar a primeira fonte de ingresos no fogar. Durante a obra ponse en escea a situación das mulleres pementeiras, podéndose extrapolar ao resto de mulleres da xeografía galega que, por exemplo, traballen en explotacións agrarias ou gandeiras, para axudarnos a recoñecer o seu labor e deste xeito conseguir que sexa máis valorado pola sociedade e por elas mesmas.