A VII Edición do Mercado Pirata de Laxe xa ten data oficial de celebración. Será durante os días 2, 3 e 4 de agosto, na praza de Ramón Juega. 

Alí, xuntaranse postos de artesanía, alimentación, a ludoteca infantil, un carrusel ecolóxico, música e animación de rúa durante toda a xornada. 

O venres 2 de agosto, de 18:00 a 23:00 horas, terá lugar a apertura do mercado, que tamén estará dispoñible para o público o sábado 3 e o domingo 4 de 11:00 a 14:30 pola mañá, e de 18:00 a 23:00 horas pola tarde. 

Todas as noites, ás 22:30 horas, haberá un espectáculo protagonizado polo lume.