FIxo os deberes na primeira das 4 últimas finais o Baio, superando ao pechacancelas. Sumou 3 puntos vitais pero esperaba máis axuda dos veciños. Se ben a Esteirana rascou un punto ante o Valiño que lle serve ademais aos de Néstor para non perder prazas, o Dumbría caía ante o Agolada, o gran rival dos baieses na loita por evitar o descenso.

Polo demais, derrota dun Fisterra xa coa cabeza na Copa, e dun San Lorenzo que parece xogou un partido de tenis en Valga.

Todo, cun ollo pensando neste mércores de Copa da Costa.

Baio - Cruces (5-0)

• Baio: Javi Souto, Pablo Rod., Norberto, Chechi, Alex Muíño, Damián, Sergio Antelo, Dani López, Bieito, Josiño e MC. Tamén: Iván Fraga, Bruno, Pazos, Diego Santancier, Porty, Jairo e Guille Botas.
• Goles: 1-0, m.26: MC; 2-0, m.43: Damián; 3-0 m.44: Chechi; 4-0, m.53: Sergio Antelo; 5-0, m.57: Sergio Antelo.

Partido cun resultado xusto polo acontecido no verde do Platas Reinoso, gracias a un moi firme Baio, que saia con 8 “muñecos” baieses no 11 inicial (chegando a ser 9 no inicio do segundo tempo e debutando ademais outro xuvenil, Jairo), mandando e controlando xogo a través da posesión do balón.

Con todo, o Cruces, equipo xa descendido, demostrou que veu a competir e dar unha imaxe de equipo exemplar. “Isto tamén son valores deportivos”, quere destacar Félix.

Cordeiro - San Lorenzo (6-4)

• San Lorenzo: Puyol, Manuel Mato, Lucho, Hugo Canedo, Jonathan, Iago, Javi, Diego Varela, Alberto Campos, Richi, Juanjo. Tamén: Benja, Lucas, Pablo Garrido, Quin, e Alex Costa.
• Goles: 1-0,m .2: Moisés; 2-0, m.17: Moisés; 3-0, m.21: Adrián Falcón; 4-0,m .35: Moisés; 4-1, m.41: Iago de falta directa; 5-1, m.46: Adrián Falcón; 5-2, m.65: Juanjo de penalti; 5-3, m.84: Juanjo de penalti; 5-4, m.90: Juanjo; 6-4, m.94: Nacho de penalti.

Perdeu o choque na primeira metade o cadro carballés debido a pegada tremenda dos locais, tras dominar o devir do xogo. Pero o gol de Iago ao fío do descanso aínda deixaba unha fiestra aberta e o cadro de Lapido creo, e a base de empurre, conseguiu poñerse 5-4 a falta de dous minutos de final. Co equipo completamente envorcado, no desconto, sentenciaría o cadro local, despois dunha gran demostración dos de Verdillo.

Agolada - Dumbría (2-0)

• Dumbría: Anxo; Alex Sendón, Brais, Alex Sánchez, Adrián Periscal, Fabio, Lucas, Mataso, Miller, Raúl e Dani Chao. Tamén: Kanario, Pablo Paz, Mario, Rivi, Alex e Gabi Goyes.
• Goles: 1-0, m.16: David Val; 2-0, m.36: Hugo.

Non puido o cadro dumbriés facerlle un favor ao Baio. Foi un partido estrano, dominado bastante polos de Pablo Conde, pero no que os locais tiveron sorte e marcaron dous tantos a balón parado, o segundo, cun centro que se vai envelenando e se cola a gol.

Na segunda, os dumbrieses tiveron moito balón, e un par de ocasións para empatar pero non foron capaces de romper a tea de araña local.

Flavia - Fisterra (7-0)

• Fisterra: Paulo, Lois, Breixo, Rubén, Aarón, Juan Trillo, Lobelos, Luisete, Mario, Maikel Mouzo, Guille.

Con 11 xustos (entre eles 6 xuvenís) chegaba o equipo de Diego Lobelos pensando no choque de Copa do mércores en Muxía. Así e todo, aguantaron 35 minutos, ben xuntiños, sen crear moito perigo máis que unha saída de Breixo, que acabou en penalti, pero paroullo o porteiro. Na xogada seguinte reciben o primeiro, e nos seguintes 10 minutos chegan dous máis, e o choque sentenciado. A segunda, de trámite, con algunha ocasión para os fisterráns, pero sen máis historia que o seu pichichi Damián, marcase o maior número de goles posible. De feito, cos seus 4 goles alcanza con 22 goles a Gonzalo (Negreira) e Alberto Fraga (Tordoia).

Valiño - Esteirana (1-1)

• Esteirana: MJ, Simón, Code, Damián, Tobío, Kevin Rial, Adrián, Alex Rama, Kevin Lariño, Piki, Róber Pladur. Tamén: Martín Rama, Uxío, Alex Louro, Brais Noceda, Pachi, Elías e Oli.
• Goles: 0-1, m.65: Piki; 1-1, m.83: Pablo Cameán.

Bo partido dos de Néstor, con gran intensidade, ben a nivel ofensivo, con máis posesión e lendo ben o choque, que lle serve para sumar un punto moi positivo, a pesar de quedar cun sabor agridoce por ter o partido no peto.

Foi igualado o primeiro tempo, no que de feito MJ parou un penalti que os mantivo no partido. Tamén tivo ocasión de Rober Pladur que sacou un rival baixo paus tras regatear ao porteiro.

Pero o marcador non se movería antes do descanso. Si que abriu a lata Piki no ecuador da segunda, cando o equipo mellor estaba xogando. Pero nunha acción illada, os locais conseguían empatar.

Quédanlle dous partidos seguidos na casa aos de Néstor para rubricar a permanencia.

CRÓNICAS DA 1ª GALICIA

• X.30: Catro finais para o Baio.
• X.29: O Fisterra complica a salvación do Baio mentres a Esteirana dá un paso case definitivo.
• X.28: Dúas vitorias de gran mérito e un derbi para Dumbría que mete ao Baio en descenso.
• X.27: O San Lorenzo recobra o alento.
• X.26: O Baio, o único que suma da Costa.
• X.25: Xornada aciaga para os costeiros. Só o San Lorenzo suma.
• X.24: Baio, San Lorenzo e Esteirana perden sendas ocasións para pegar un salto de tranquilidade.
• X.23: O Baio golea e o Fisterra pesca 3 puntos en Verdillo.
• X.22: O Dumbría fica cos de arriba.
• X.21: O Dumbría asaltou Ara Solis.
• X.20: O Baio fai saltar as quinielas e a Esteirana supera ao San Lorenzo.
• X.19: A pegada do Fisterra supera á Esteirana.
• X.18: O San Lorenzo rompe a súa mala serie.
• X.17: Remontada épica do Fisterra para abrir o curso.
• X.16: Acabando o 2023 na metade da táboa.
• X.15: O Fisterra confirma a súa melloría.
• X.14: 4 vitorias costeiras baixo a chuvia.
• X.13: O Baio frea ao San Lorenzo.
• X.12: O San Lorenzo supera a dimisión de Dani Casal.
• X.11: Os poderosos baten cos equipos costeiros.
• X.10: Só un punto en 4 partidos.
• X.9: Así foi a case completa xornada de Defuntos no Fútbol costeiro.
• X.8: Dúas vitorias, un empate e dúas duras derrotas.
• X.7: O Baio deixa escapar puntos importantes mentres os tres da zona alta suman de 3 en 3.
• X.6: O San Lorenzo tamén pode co Fisterra.
• X.5: Este San Lorenzo vai en serio.
• X.4: O Dumbría pega primeiro.
• X.3: O San Lorenzo mantense no alto cun Puebla que presentou a súa candidatura en Ara Solis.
• X.2: Fisterra e San Lorenzo suman e seguen.
• X.1: Arrincou a nova tempada con 3 vitorias e 2 derrotas.

NOVAS RELACIONADAS

• Plan Competicional da 1ª Galicia.
• Como afrontan a campaña os adestradores dos equipos costeiros da 1ª Galicia?.