O EFA-Fonteboa de Coristanco vén de dar a coñecer as actividades formativas dos vindeiros meses dirixidas principalmente aos seus alumnos ainda que tamén reservan prazas para o público interesado. As actividades arrancan o 22 de maio cun curso de benestar animal que durará ata o día 26 e que se desenvolverá en horario de9 a 15 horas. No curso trataranse contidos relativos ao benestar animal en granxas, transporte e matadoiros e está dirixido a alumnos de CFGS de Gandaría e Asistente en Sanidade Animal e tamén hai prazas dispoñibles para público interesado na materia. Coa colaboración de varias explotacións gandeiras da zona, na semana do 29 de maio ao 2 de xuños desenvolverase un curso teórico-práctico sobre muxido en horario de 9 a 13:30 horas. O obxectivo é formar técnicos cualificados nas rutinas de muxido dacordo coas esixencias de sanidade, hixiene, benestar animal e calidade do leite. Do 5 ao 9 de xuño terá lugar o curso cualificado de aplicación de fitosanitarios que se desenvolverá en horario de 9 a 14 horas  no que participarán alumnos de 1º curso de CFGS de Gandaría e Asistencia en Sanidade Animal e persoas interesadas. O sábado 17 de xuño terá lugar a clausura do curso coa memoria de actividades, a entrega de diplomas aos alumnos que rematan o CFGM eo CFGS, o apadriñamento da promoción de 2017 e as distincións Fonteboa 2017. Alumnos de 3º e 4º da ESO e de Formación Profesional participarán do 24 ao 30 de xuño nas xornadas de Acción Rural que terán lugar en El Grado (Huesca) baixo o tema "Solidariedade e pobreza. Conéctate á periferia". As actividades formativas volven no mes de xullo cun curso de fitosanitarios de nivel básico que se desenvolverá do 10 ao 13 de xullo en horario de 9 a 14 horas. A actividade está dirixida a agricultores e persoal responsable da manipulación de productos fitosanitairos nos establecementos de almacenamento e venda. Dentro das actividades dos programas europeos, dous profesores do centro coristanqués participarán en dous encontros que terán lugar os vindeiros meses en Escocia e en Normandía. No vindeiro trimestre tamén están previstas varias actividades relacionadas coa apicultura. A primeria será unha cata de hidromel que terá lugar o 28 de xuño ás 16 horas e outra de roteiros apícolas que se desenvolverán os días 3 e 11 de xullo. E xa no mes de setembro presentarase o proxecto EcoRural (estadías profesionais en empresas agroalimentarias de Francia e Irlanda) na que poderán participar xóvenes con formación profesional agraria, veterinaria, agronomía,... que desexen ampliar a súa experiencia profesional.

Novas relacionadas

• O EFA Fonteboa viaxa a Francia para coñecer novos modelos de producción de leite
• O EFA Fonteboa presenta as súas actividades formativas para o trimestre
• O Efa-Fonteboa analiza as instalacións gandeiras
• O Efa-Fonteboa organiza unha xornada sobre as pradeiras
• EFA Fonteboa presenta o seu programa de actividades de formación continua
• Dous mozos de Costa de Marfil fórmanse no EFA Fonteboa para crear unha escola agrícola no seu país
• A Costa da Morte vive o sorriso e o ritmo de África.
• O Centro de Formación Rural Fonteboa, novo Bergantiñán do Ano.
• Os alumnos do EFA Fonteboa sacan o mellor do leite.
• Aprendendo a xestionar os recursos humanos no agro.
• A Xuventude do EFA Fonteboa, o Aval do rural.
• A agricultura ecolóxica instálase na Costa da Morte.
• O único centro de formación rural tamén ensina fóra da aula.
• Mazaricos prepárase para a Xornada láctea e a Poxa de Xovencas.
• Da importancia da Formación Rural na Costa da Morte.

Fonte

• Redacción de QPC (info@quepasanacosta.com)
• EFA-Fonteboa