[Na mañá Antes de ser alguén aínda Antes de abrir a boca e a porta e a memoria] Abandonémonos á hilaridade e ao consumo Teñamos vacacións. Si, Separémonos unha vez máis do ritmo oculto da vida. Dunha lóxica que debería ser a do milagre, non a da causalidade e a do ditado dun turismo existencial deprimente. Por dentro e por fóra. Asintamos á proposta social de configurar o noso tempo ao gusto da produción, o lecer, a aventura (¿) Deixémonos (unha vez máis) pensarnos por unha disposición que nunca é a nosa, 
por unha decisión que nunca é a nosa. Desde unha cultura na que nunca nos recoñeceremos, pero precisamente para lograr recoñecernos, aceptemos o lecer, aceptemos os festivais paparotas familias ós de fóra ós daquí invitacións quedadas plans festas neniños terrazas concertos degustacións sacos de durmir excursións churrascada sardiñada menús menús menús e as viaxes que nos farán entrar en contacto con e as visitas Comer beber divertirse. Movemento tenaz. Nada de silencio. Regulemos o umbral a un barullo constante, a unha vacante incomprensible. Pensemos que é posible alcanzar, nun tempo decidido de antemán, o modo en que poderemos ser atravesados por un sentido da existencia que sempre debería ser aquí e agora. Por que no verán, por que en vacacións?

• Javier Turnes (javiturnes[arroba]quepasanacosta.gal)

Escarpaduras anteriores

• Non_saber.
• A vangarda pedagóxica chega á Costa.
• Sagrado.
• Derrota.
• Inxenuidade.
• A concordia entre a potencia de interrogar e a potencia de vivir.
• Paisaxes incomprensibles pero necesarias.
• Crise, representación e espectáculo (I).
• A búsqueda do poder.

Novas relacionadas

• A mocidade sácalle as cores a Corcubión.
• Deliberacións Cromáticas: O Croma (II).
• Deliberacións cromáticas: O Croma.
• A vangarda filosófica da Costa na revista ProTexta.
• Entrevista con Javier Turnes, cantante dos Bakin´Blues: "Deixar a cultura en mans do estado é un erro".
• O encontro da nova formada musical da Costa.