Mércores. 19.02.2020
El tiempo
José Luis Louzán
20:16
20/03/09

O asombroso caso da urbanización pantasma

O asombroso caso da urbanización pantasma
As verdades como puños de José Luis Louzán

Hai semanas adiantamos que catro persoas moi concretas comían xuntas en Muros, no que para min aparentou unha interesante reunión, a vista de cales eran os comensais da mesa. Un ex-alcalde, un rexedor da mesma vila, un coñecido empresario e un cuarto home. Parece, a vista das novas de prensa desveladas esta semana que a razón da reunión saíu a luz. Pero afondemos na cousa...

Un cambio de goberno implica moito máis que un cambio de nomes e directrices políticas a fronte dun territorio. O cambio producido o 1 de marzo en San Caetano implica que proxectos durmidos esperten, que os que foron “viláns” os últimos catro anos, que aqueles os que se negou calquera proxecto urbanístico por escandaloso e esaxerado pasen agora a ser auténticos promotores de bonanza e crecemento para todos. O que antes era imposible por estar o pé da costa agora é visto como unha oportunidade, o que antes era inviable por necesitar demasiada auga e parecer faraónico, agora podería resultar máis que plausible, e incluso ser unha autentica realidade. Pero aínda máis.../p>

Os que antes parecían interesantes compañeiros de viaxe, factibles socios de goberno que chegaron a regalar a alcaldía a cambio de nada, para promover un dos tempos máis lamentables e disparatados a fronte dun Concello na Costa da Morte, agora perderon todo valor, ó quedar descabezados á fronte da Xunta.

E, o mellor, resulta interesante que quen fora inimigo pase a ser compadre e quen fose rival pase a ser Tenente de Alcalde.... ou de novo alcalde, se nos sae a xogada en Santiago e nos nomean para aquel posto na administración Sanitaria...

Adiviñas, adiviñas... Ouro parece... prata non é...

  • José Luis Louzán.

comentarios