Coma se os cidadáns fosen animaliños de cortello, asi mesmo están operando algúns gobernantes municipais, nos pobos e vilas deste confín dos verdes castros, onde hoxe, escoitamos polas radios esa famosa canción de Joaquín Sabina, que di: “¿Quién me ha robado el mes de Abril?”…

Mentres tanto sube o prezo do combustible polo aumento na demanda de petróleo porque aqui, nesta Galia, están asfaltando pistas particulares, eiras, agras e aceras de bares… e ata parece que as farolas alumean moito mellor.

Dou comezo a Primaveira Árabe, por aqui polo norte, e os colleitadores de voto asegurado andan en plena campaña electoral, e o pobo sementa e retroba, os terreos, desta humilde comarca… mentres os outros, moito máis raposos, non paran de prometer “el oro y el moro”.

Que tan intensa é ista colleita masiva de adeptos que convencen con ese rompedor sorriso caciquíl que soa tal que así:

- “…confia en min”.

… con ise marcado tono de proximidade campechana.

Cando en realidade non ten nada de campechano, este triste asunto, porque as cuotas leiteiras, e todo o demáis, puxeron en perigo de morte o noso agro galego. Tampouco ten nada de proximidade porque, a nosa flota do cerco, a máis próxima, xa ten as horas contadas.

O novo Estado de Malestar está xa nas mans de larpeiros, prestamistas, banqueiros, etc…. mentras aspirantes e mangantes saquean todo, televisadamente, vendendo toda clase de mentiras douradas que non serven de pienso a estes derradeiros porcos que alimentan esta comarca de cortellos ó borde, xa, da súa total exterminación.

• Óscar de Souto, pintor de follas en branco e autor de Trece Poemas.

Outros artigos de Óscar de Souto

• Alén dos nosos mares atlánticos.
• Con rumbo a porto esperanza.
• Crónica dunha morte anunciada.
• De vacacións a Suiza.
• Os laboratorios do verso.
• As nosas Rosalías.
• Esa amante secreta de Eduardo Pondal.
• O Dolmen de Dombate e o raio vermello do Solsticio de inverno.
• A envexa dos anxos e das prumas.
• Antón Borrazás, apagouse a túa luz.
• A cousa de Dombate… a debate.

Novas relacionadas

• Nova poesía para as ondas de radiONeria e Radio Roncudo con Óscar de Souto.
• Cabaneses que espallan cultura.

Fonte

• Redacción de QPC ([email protected]).