Así traballan os Pescadores artesanais de El Salvador Imaxe dos Pescadores de El Salvador en Fisterra en 2012

Non é a primeira vez que nos visitas. Xa en 2012, unha expedición de pescadores artesanais de El Salvador visitaron a Costa da Morte para facer un interesante intercambio cultural.

Estes días, a través dun dun proxecto de Cooperación ao Desenvolvemento e Asemblea de Cooperación pola Paz, financiado pola Xunta de Galicia, volven por Galicia. Estarán Vigo, A Guarda, Illa de Arousa, Cambados, O Grove, Cangas, Bueu, Marín e Santiago, e rematarán a súa visita coas obrigadas paradas en Corcubión e Fisterra da man da sempre activa Asoar Armega.
Ninguén mellor que Luís Rodríguez, presidente da entidade que tanto defende a pesca artesanal de toda Galicia dende Corcubión, para facer de anfitrión.

Así, José Martínez, pescador artesanal; Francisca Soriano, xerente dunha cooperativa pesqueira, e Mauricio Orellana, coordinador do proxecto en El Salvador permanecerán na nosa comunidade ata o día 15 de outubro, 10 días nos que terán unha completa axenda de traballo.
O día 5 estarán en Vigo e en A Guarda. O día 6 coñecerán o Instituto Galego de Formación en Acuicultura (IGAFA) na a Illa de Arousa, así como as instalacións de depuración de Mariscos Veiro. Finalizarán a xornada cunha e a visita ao Taller de Montse Betanzos de elaboración de produtos con conchas en O Grove. O día 7 coñecerán o mercado de Berbés en Vigo e viaxarán a Cangas e Bueu para ver as súas lonxas. O día 8 acudirán ao porto de Marín, onde visitarán o Centro de Formación A Aixola, unha empresa comercializadora de productos do mar, O Percebeiro, e Rosa dos Ventos, produtores de polbo conxelado.

Visita á Costa da Morte

O día 10 achegaranse a Corcubión da man de A Asociación de Armadores e Artes Menores (Asoar-Armega) e a Plataforma Europea de Pescadores Artesanales LIFE que organizarán un encontro con pescadores artesanais da Costa da Morte.

Novas relacionadas

• 2015: ADEGA outorga o Premio Osíxeno 2014 ao presidente da Asoar-Armega.
• 2012: O mar achega á Costa da Morte con El Salvador.

Fonte

• Asemblea de Cooperación pola Paz.