Veteranos: San Lorenzo e Club do Mar, campións de inverno

07:06 13/01/16

Dous xogadores do San Lorenzo de Veteranos, o campión de inverno

Rematou a primeira volta nas Ligas dos Veteranos. Unha primeira volta que deixa certas sorpresas, pero que se presenta como moi igualada na 1ª División e xa moi fraccionada na 2ª División.

O San Lorenzo sorprende nunha igualadísima 1ª División

O San Lorenzo, campion de Inverno dos Veteranos

Andan os favoritos de sempre, como son Coristanco, San Román ou Soneira, pola zona media, pero moi preto da parte alta, pois entre o líder e o 11º apenas hai 10 puntos de diferencia. O líder é o San Lorenzo, por agora o equipo máis firme.
Por detrás queda o Milagrosa, que despois de vencer precisamente ao San Lorenzo e encaramarse no máis alto, pegou un baixón nestas últimas xornadas. Ollo con este Dumbría que vai forte, pero é que tamén teñen as opción intactas os Agualada, Zas, Erbecedo, Coristanco, San Román, Soneira, Castriz e mesmo o Hosgran.

Os capis do Dumbria e Soneira-Foto-Veteranos Dumbria

O ascenso case sentenciado

O Club do Mar campion de Inverno da 2 de Veteranos da Costa

O Club do Mar campion de Inverno da 2ª de Veteranos da Costa

Como acontecía o ano pasado con Erbecedo e Agualada, este curso, Club do Mar e Porteño abriron rápido unha fenda, e se colocan como máximos favoritos ao ascenso e a pelexar entre eles polo título. O cadro caionés, estreando grupo costeiro, lidera cun punto máis que o Porteño, o único equipo das dúas categorías que non coñece a derrota.

A 8 puntos queda xa o San Isidro, comandando o grupo perseguidor, que o terá complicado para alcanzar aos dous de arriba.

Vellos coñecidos nos Pichichis

Richard do Club do Mar e Tonino do Agualada Pichichis dos Veteranos

Richard do Club do Mar e Toniño do Agualada, Pichichis dos Veteranos

Non deixa de marcar o bo de Toniño. Unha marea de anos pasou marcando para o seu Coristanco, e este curso, despois de superar unha longa lesión, colócase como Pichichi da 1ª División con moita diferencia sobre os seus perseguidores, José Miguel Suárez (Dumbría), e outros coñecidos como Óscar Suárez e Pedro Gundín (San Lorenzo), o soneirán Miguel Figueira, ou Santi Cambón, do San Román.

Na 2ª, é o Richard, do Club do Mar, o máximo artilleiro, con 22 tantos, con moita vantaxe sobre Marcos Aurelio, do Leiloio, Rubén Pazos, do Vimianzo, Couto do San Isidro, Modesto Velo do Corcoesto ou Martín do Porteño.