Despois de facer a primeira visita ás covas dos fuxidos, e coñecer como se cumunicaban coas súas familias, continuamos percorrendo a historia de represión que viviron aqueles homes que tiveron que escapar ao Monte Pindo e daquelas mulleres que quedaron á fronte das familias, e tiveron que enfrontarse cara a cara contra o réxime. Facémolo a través dos testemuños recollidos no proxecto Monte Pindo. Espazos da Memoria, realizado pola compañía costeira Aantena coa colaboración da Deputación.
E hoxe, afondamos nas causas que obrigaron aos homes da nosa terra a escapar. Os relatos do historiador e escritor Luís Lamela ou do topógrafo e gran coñecedor do Monte Pindo Modesto García Quintáns, contrapóñense coa idea que manteñen outros especialistas como Xoán Rodríguez, sobriño do Marrolas, un dos fuxidos máis famosos da zona, Xil Caamaño, da Asociación Monte Pindo Parque Natural, ou de Merche Mayán, Secretaria da Confraría do Pindo.
MÁIS NOVAS
- O alumnado do Cole de Dumbría coñeceron a memoria da covas dos fuxidos do Monte Pindo.
- O Monte Pindo rescata a historia dos seus agochados a través dunha ducia de testemuños.