Venres. 29.03.2024
El tiempo

Cee

Leö KCH volve á carga “Floresendo”

Chegou a primavera e con ela están a florecer os campos, enchéndose de cores e vida.

E florecen tamén proxectos artísticos na Costa da Morte como este “Floresendo”, obra do noso - Leö KCH - que volve a rexurdir musicalmente neste 2022.

“Este tema en concreto é o prólogo do novo proxecto musical no que levo un par de anos traballando e que irá saíndo á luz e medrando ao longo deste ano”, comentábanos Leo.

Floresendo chega "con moita carga social e tratando moi de preto temas actuais coma a emigración e o vaciado de comarcas e do rural pola falta de oportunidades e de traballo, facendo referencia ao actual conflito bélico en Ucraína e demais guerras activas no mundo, a manipulación informativa, o lavado de cerebros e invitando a reivindicar outras tantas inxustizas que vemos e vivimos a diario", debulla. "Tamén ten matices persoais e referencias aos ciclos vitais da natureza en Naces, medras, reprodúceste e morres. Ou como di o coro: Floresendo, vai medrando a planta, vai medrando o neno.”

Quedamos á expectativa de ir descubrindo máis en relación a este proxecto, que promete vir cargado de mensaxe e fusión musical. “Hai un tema máis rap/metal, varios con matices reggae, outros máis melódicos con piano e guitarra, varios rap clásicos con vertentes máis underground, e máis sorpresas que iredes descubrindo ao longo deste ano” pero sempre mantendo as súas raíces e a súa enerxía para transmitir cando colle o micro.

Agardamos velo de novo moi pronto sobre os escenarios mentres disfrutando deste "Florecendo".

Máis novas do Leo

Leö KCH volve á carga “Floresendo”