Mércores. 30.11.2022
El tiempo

Costa da Morte

O Concello de Carballo e a Asociación Mar de Fábula recibiron sendos premios de “Alas en tus pies”

O Hostal dos Reis Católicos de Santiago acollía este pasado venres os “Premios Alas en tus piés”, outorgados pola ONG PEstudio-Periodismo Social. Unha gala da que os fondos se entregarán aos mozos e mozas que saen do sistema de protección da infancia sen apoio familiar nin recursos económicos.

Dous dos recoñecementos son da Costa da Morte.

Carballo pola infancia

Ata alí desprazáronse a concelleira de Igualdade, Benestar e Sanidade, Maica Ures, e o concelleiro de Deporte e Cultura, Marcos Trigo, para recoller un dos premios. O Concello carballés foi recoñecido na categoría de progreso social polo traballo realizado en favor da infancia como base para un futuro de progreso e desenvolvemento social.

E parte da razón foi a campaña un carballo por cada neno nacido en 2020, unha iniciativa que permitiu plantar 190 carballos apadriñados por cadanseu neno na carballeira de Bértoa. Uns carballos que irán medrando xunto a eles.

O xurado tamén valorou tamén iniciativas como o programa Concilia, o proxecto de creación de parques infantís integradores Carballo para a infancia, a oferta lúdica e educativa da Biblioteca Rego da Balsa, as actividades para nenos e nenas que se desenvolven no marco de programas como Carballo Interplay ou o FIOT, os 35 anos da escola infantil de natación.

Mar de Fábula pola educación ambiental

Tamén foi recoñecida a Asociación Mar de Fábula en materia de educación ambiental. “Saúde, melodías, xogos, responsabilidade... todo nun entorno natural, en clave de reciclaxe”. Así son os obradoiros creativos da entidade.

Novas relacionadas

Outras novas de Mar de Fábula

O Concello de Carballo e a Asociación Mar de Fábula recibiron sendos premios de “Alas en tus pies”