Sábado. 19.09.2020
El tiempo

Vimianzo

O Pleno rexeitou as medidas de reactivación propostas por Adiante Vimianzo

Este pasado xoves 21 de maio tiña lugar un novo pleno extraordinario no Concello de Vimianzo. Solicitado polo grupo opositor de Adiante Vimianzo, tivo enriba da mesa as súas 8 propostas para o plan de acción perante a crise, ademais dunha achegada polo grupo popular. Un pleno do que os asistentes doarán as súas retribucións a Protección Civil.

Ningunha das medidas saíu aprobada, e o Concello continúa coa súa idea de “escoitar, analizar e despois facer propostas para reactivar a economía”, como nos recoñecía a alcadesa Mónica Rodríguez. Os votos en contra do PSOE e a abstención do PP impediu que o Concello comprometese medio millón de euros para paliar a crise. Precisamente ante esta postura da edil popular a alcaldesa quixo agradecer a “responsabilidade política do grupo popular de Vimianzo para coa veciñanza”.

Precisamente nesa contía foi na que o grupo de goberno se baseou para rexeitar unhas medidas coas que concorda en boa parte, e que coinciden co Plan de Activación no que o Concello leva traballando case dous meses. “As liñas presentadas coinciden en parte coas que nós xa estamos a levar a cabo. Por outra banda, entendemos que o xeito de executalas podería comprometer enormemente as contas municipais, cousa que non podemos permitir”, argumenta a rexedora.
Unha razón que non comparte o grupo opositor que non cre que ese investimento signifique "atar de pés e mans ao goberno, pois falamos de darlle saída a unha parte do orzamento comprometido para unha serie de actuacións ou eventos que non tiveron ou non van ter lugar: Xantar dos Maiores, Asalto ao Castelo, festas patroais das parroquias…”

Novas relacionadas

O Pleno rexeitou as medidas de reactivación propostas por Adiante Vimianzo