A praia de San Francisco de Muros repite a Bandeira Azul Seis praias da Costa da Morte lucirán este verán Bandeira Azul, esa distinción de calidade que otorga a asociación de Educación Ambiental y del Consumidor - Aedac -. Pedra do Sal (Carballo), As Saíñas (Carballo), Ézaro (Dumbría), Langosteira Norte (Fisterra), Laxe e San Francisco (Muros) son os areais que colgarán este verán a súa bandeira azul. Estas son as mesmas praias que contaron xa co distintivo o ano pasado. A única excepción márcaa a praia da Langosteira de Fisterra que, ao dividirse en Norte e en Sur, "perde" media bandeira. Este ano España convírtese no país que ten o maior número de bandeiras azuis cun total  de 686 - 585 praias e 100 portos - o que supón un aumento do 1,2% con respecto ao ano pasado. A comunidade que máis número de bandeiras azuis obtivo foi Valencia, polo que a comunidade galega perdeu o primeiro posto que ostentou o ano pasado. Sendeiros azuis Por primeira vez, Carballo entra na rede de Sendeiros Azuis coa Senda do Mar: Razo-Baldaio. O concello optou ao recoñecemento da Senda do Mar: Razo-Baldaio co obxectivo de dar a coñecer o litoral carballés, que non só conta con praias moi fermosas e o espazo natural da marisma de Baldaio, senón tamén cuns espectaculares cantís que forman parte deste percorrido. Así, esta senda do mar transcorre durante doce quilómetros, de este a oeste, dende o monte da Vixoteira no límite con Caión, ata Santa Mariña, no límite co concello de Malpica. Trátase dunha senda natural protexida, xa que transcorre en parte pola Rede Natura e por espazos de especial valor natural e paisaxístico, con flora e fauna protexidas. Novas relacionadas

• 2015: San Francisco xa luce a súa bandeira azul
• 2015: 6 praias da Costa da Morte lucirán a Bandeira Azul este verán.
• 2014: 6 Bandeiras Azuis ondearán este verán nas praias da Costa da Morte.
• 2013: 9 praias da Costa da Morte lucirán este verán a Bandeira Azul.
• 2012: 8 praias e un porto deportivo da Costa da Morte lucirán Bandeira Azul este verán.
• 2012: A praia de Laxe, a única praia da Costa da Morte coa Q de Calidade.
• 2011: A única praia con dúas bandeiras.
• 2011: A Costa da Morte recupera, e perde, varias Bandeiras Azuis.
• 2010: A Costa perde dúas e gaña unha Bandeira Azul .
• 2009: Tan só 6 praias da Costa da Morte merecen o recoñecemento da Bandeira Azul .
• Doble bandeira, doble promoción, doble esixencia e máis recortes.

Fonte

• Redacción QPC (info@quepasanacosta.com)
• Asociación de Educación Ambiental y del Consumidor