”Seguir convertendo en rendible e de futuro unha artesanía centenaria supón unha riqueza non só a nivel local, senón tamén provincial”. Así o entende o deputado de Promoción Económica e Empresa, José Luis García García, que vén de asinar un convenio co alcalde de Malpica, Eduardo Parga Veiga, para o financiamento da Mostra da Olería de Buño. Ambas institucións consideran a olería un motor que “repercute favorablemente como medio de desenvolvemento económico, social e xerador de emprego e riqueza”.

A Deputación Provincial da Coruña achegará un total de 80.000 euros, que supoñen o 80 % do orzamento da 33ª Mostra da Olería de Buño, que se celebrará do 5 ao 15 de agosto. Este ano o programa inclúe varias novidades, entre elas actuacións musicais todos os días, unha ofrenda floral de homenaxe ao Doutor Luciano García Alén o día da inauguración, un tren turístico que funcionará as fines de semana ou a visita dos Bolechas, que coincidirá coa presentación do libro infantil “Os Bolechas visitan a Mostra da Olería”. Os postos de exposición e venda estarán situados no Parque Luciano García Alén, onde tamén se desenvolverán a maior parte das actividades. O Ecomuseo do Forno do Forte será outro dos escenarios da Mostra da Olería, coa Cocedura Tradicional como prato forte o sábado 6.

Novas relacionadas

• A Mostra de Olería de Buño homenaxeará a Luciano García Alén.
• A Deputación destaca o potencial económico e turístico da olería de Buño.
• Diplomas, merenda e unha exposición despediron o Pequeoleiros
• O Pequeoleiros chega á súa fin
• Os escolares de Buño toman contacto coa olería
• A deputación cede ao concello de Malpica a xestión do Ecomuseo de Buño
• Os oleiros levantan a Mostra de Olería de Buño
• Buño recuperará o Forno da Costa.
• Os Oleiros de Buño, no Congreso Internacional de Turismo de Ferrol.
• Os Oleiros asumen a organización da Mostra de Olería de Buño.
• O edificio do Centro Comarcal de Bergantiños volve a mans do Concello.
• A Mostra da Olería de Buño quere voltar ao Centro Comarcal.
• Os oleiros multiplícanse por Malpica.
• De obsequio institucional da Deputación, unha peza de Buño.
• Un oleiro en perigo de extinción.

Últimas Mostras

• 2013: Unha longa semana de olería para celebrar 30 anos de Mostra.
• 2012: O turismo mantén viva a Mostra de Olería de Buño.

Fonte

• Redacción QPC ([email protected])
• Concello de Malpica