Xoves. 13.06.2024
El tiempo

Comproban que existe un foco de contaminación de pellets de plástico na praia das Salseiras

Pellets de plastico na Praia da Salseiras recollidos por Mar de Fabula en maio de 2024
Pellets de plastico na Praia da Salseiras recollidos por Mar de Fábula esta fin de semana
Comproban que existe un foco de contaminación de pellets de plástico na praia das Salseiras

Volveu á praia das Salseiras o voluntariado de Mar de Fábula, para ratificar a presenza dun foco de ontaminación crónica de pellets de plástico na praia larachesa. É o terceiro mes que van e seguen comprobando que os pellets seguen aparecendo semana tras semana, lonxe dos tempos do Toconao.

Durante 2 horas de dedicado traballo por parte dos 8 voluntarios que participaron na limpeza, apañáronse pellets de resina a mans cheas e milleiros de microplásticos e lixo plástico miudo además de bastonciños de algodón, tapóns de botellas, cabichas, anacos de cordas e plástico blando, envases de golosinas e un longo etc., todo lixo plástico miúdo sobre o que as administracións fan a vista gorda para non velo pero que é a fracción máis perigosa da contaminación do lixo plástico no mar.

O colectivo lamenta que o Concello utilizase maquinaria pesada para limpar a praia como mostran as pegadas das rodas do tractor por todas partes porque “este tipo de limpeza, o único que fai é romper as liñas de marea e soterrar na area o lixo que estaba na superficie, é dicir, agochar o problema e aparentar de cara á galería que a praia está limpa cando non é certo como Mar de Fábula pode demostrar”.

Mar de Fabula limpando a praia de Caion

Máis novas

Comentarios