O Concello da Laracha pon en marcha un novo programa de visitas guiadas ao Castro de Montes Claros para animar á cidadanía a coñecer tanto o xacemento como ás escavacións arqueolóxicas realizadas por iniciativa municipal e a que está actualmente en marcha.
Durante as próximas semanas ofrécense seis datas, que se van realizar da man da arqueóloga Puri Soto, directora do proxecto de posta en valor do Castro.

Os xoves 14, 21 e 28 de novembro as visitas serán á escavacación, poñendo o foco de atención nos traballos que están en execución. Os sábados 16 e 30 de novembro e 14 de decembro faranse percorridos por todo o xacemento. En todos os casos será a partir das 11:00 horas.

A inscrición para anotarse en calquera das xornadas é gratuíta e debe formalizarse chamando ao 676963062 ou enviando un correo electrónico a [email protected].

Máis novas