Venres. 30.09.2022
El tiempo

Liberan un rapaz de 12 anos tras un accidente no Cancelo

Accidente na Laracha
Liberan un rapaz de 12 anos tras un accidente no Cancelo

Esta mañá de domingo, arredor das 12:40h, rexistrábase un accidente no punto quilométrico 2,2 da AC-552, no lugar do Cancelo, na Laracha.

Dous vehículos, un Citroen Berlingo e unha Renault Trafic, sufrían un choque frontal, quedando o acompañante do asento dianteiro da Berlingo (un neno de 12 anos) atrapado. Os sanitarios desprazados ao punto puideron atendedel a pesar de ter atrapadas as pernas polo salpicadero. Estaba consciente, orientado e cun corte na fronte.

Os Bombeiros de Carballo, no lugar a demais da Garda Civil, liberaron ao menor para poder evacualo, para o que tiveron que forzar a porta e abater o salpicadeiro cara diante con equipos hidráulicos. Ás 13:00 o ferido xa estaba liberado e fóra do vehículo. Unha vez liberado bombeiros e sanitarios procederon á extracción do rapaz e o traslado á ambulancia para ser valorado e trasladado ao hospital Materno. A condutora e nai do menor non precisou asistencia.
No outro vehículo os dous ocupantes foron trasladados ao Quirón de forma preventiva.

Incendio dun autobñus

A tarde do sábado tamén foi accidentada en Cee. Un bus de Montúbs incendiabase á altura do cemiterio de Amexienda. Todos os pasaxeiros puideron saír a tempo, pero o susto, e as retencións, foron unha realidade.

comentarios